Federation of Mizoram Government Employees & Workers, Sub-Headquarters, Saiha chu vawiin chawhma dar 11 : 30 khan I&PR Conference Hall, Saiha-ah hawn a ni.

He FMGE&W Sub-Headquarters hawnna inkhawm hi Pu N.Vabeiratlua, Asst. Secretary, Saiha Officers Club, Saiha chuan a kaihruaia Rev H.C. Vanlalngaia, Executive Secretary i/c Education E.C.M. Saiha chuan hunserh a hman hnu ah Introductory Speech Pu Laldinpuia Tlau, General Secretary, Saiha Officers Club, Saiha in a nei a, Report & Introduction Pu J.Ramdinmawia, Secretary General, FMGE&W, General Headquarters, Aizawl in a pe bawk. He Sub-Headquarters hawnna ah hian FMG&W General Headquarters President Er. R.Lalrammawia chuan thu sawiin he pawl hi tu ta bik mah ni lovin sawrkar hnathawk te ber atanga lian ber te ta ani ati a,a neitu bik awm lovin kan zavaia ta ani a ti a, Officer lian ber te leh Grade-IV te pawh pawl hmunkhat a kan awm thei hi he pawl hlutna hi ani ati bawk. Federation hi thawhhona tha taka kal tur ani tiin he Federation ah hian pawl hrang hrang te kan leng vek a sawrkar hnathawkte hi sawrkar lakah zahawm taka kan awm a ngai ani ati bawk. Federation hnathawh hrang hrang te sawi langin inpumkhatna leh tanrual a pawimawh thu a sawi bawk.

M.J.A. Saiha District te kaihhruaina in Kum 2012-2014 chhunga pawl hruaitu tur thlanna neih zui nghal ani a, hengte hi thlantlin an ni- President- H.Lalfakzuala, Principal, DIET. Vice President- H.Vabeitha,Taxation Superintendent. General Secretary- N.Vabeiratlua, I&PRO. Organisation Secretary-V.Samson, Lecturer, GHSS,Saiha. Treasurer- F.Zosangi,U.D.C,D.C Office, Saiha leh Fin.Secretary- R.Lalbiakmawia-ADA,Treasury Office. te thlan tlin an ni.