3699/2023-2024

Khawzawl, 7th February 2024: Vawiin khan Khawzawl DC Meeting Hall-ah FOCUS, DMU Khawzawl - District Level Coordination Committee thutkhawm neih a ni a. Khawzawl District chhunga FOCUS hmalakna leh hmachhawp hrang hrang te thlirhona neih a ni.

Committee hi Khawzawl Additional DC Pu Lalfakzuala chuan a kaihruai a. Kum 2023-2024 3rd Quarter chhunga FOCUS hmalakna te leh hmachhawpna te thlirhona neih a ni a, Focus hnuaia line Department hrang hrang te leh Farmer Interest Group (FIG) te nen harsatna hrang hrang leh hmalak zel dan tur sawi ho a ni bawk.

Pu Lalfakzuala chuan FOCUS hmalakna avangin Khawzawl District chuan thlai chin leh ran vulh kawngah hma a sawn nasa hle a ni, a ti a. Kuthnathawktute tha tih chak nan Primary Agriculture Credit Society (PACS), Common Service Point, Crop Insurance kawnga hmasawn te leh Drone Technology hmanga insecticides kahna ngaihtuah chu thil tul tak ni a a hriat thu a sawi bawk.

Meeting-ah hian 2023-24 Quarter thumna (Oct-Dec) chhunga FOCUS Khawzawl hmalakna hrang hrang - chhungkaw 300 tan vawk note sem a nih thu te, vawk vulhtu chhungkua 11 te tan vawk inthlahpun theihna tur in changtlung tak cheng Rs. 2,30,250 theuh hmanga sak a nih thu te tarlan a ni a. Thalai te tan skill development training buatsaih a nih thu leh thiam thil hrang hrang - Communication Skills, Pickle siam, thei tui siam, chhang ur (baking) leh Aieng dip siam dan te zirtir an nih thu te; FOCUS hmalakna hrang hrang documentation buatsaih a nih thu te, kuthnathawktute tan training buatsaih a nih thu te tarlan a ni.

Meeting-ah hian kum 2023 chhunga Farmer Interests Group hnuaia kuthnathawktute thlai tharchhuah zat tarlan a ni a. Tomato quintal 3000, Zikhlum quintal 332, Dragon Fruit quintal 10.5, Mizo hmarcha quintal 28.85 thar chhuah niin heng thlai atang hian cheng nuai 146 (Rs. 1,46,80,600) lei chhuah a ni.