No.2695/2020-2020

Mamit 3rd, July, 2020 : Vawiin khan District AH & Vety Department, Mamit chuan Fostering Climate Resiliant Upland Farming System ( FOCUS) hnuaiah Rainbow Rooster ( R.S) ar note Dr Lalrozama, Chairman, District Focus/ District Bawrhsap chuan a sem.

Dr Lalrozama, chuan Ar note dawngtute a lawmpui thusawiin, an ar note dawn chu hlawhtling taka vulh puitlinga, Arsa leh Artuiah kan intodelh deuh deuh theihnana tipung zel turin a chaha, a changtu Vety Department- te leh Focus hnuaia thawktute chu an beneficiaries- te chu tha taka vil zui turin a chah bawk.

Focus Project hnuaia Rural Backyard Poultry Development Programme hnuaia Beneficiaries mi 120 hnenah Ar note Rainbow Rooster hi 20 theuha semchhuah a ni a. Rainbow Rooster ar note hi Zoram Poultry Development Society, Tanhril a awpkeu niin District AH& Vety Department, Mamit hnuaia Poulty Farm ah Brooding leh Vaccination tihsak vek an nih hnuah semchhuah an ni.

Ar note bakah hian Ar chaw kg 2 theuh sem tel an ni a. Ar note dawngtute hi Ar In an neih leh neihloh survey vek an nih hnuah, Ar In nei te chauh Ar note hi pek an ni.

He hunah hian DVO, DAO bakah Focus hnuaia thawktute an tel a ni.