No.4448/2021-2022
Aizawl 29th March, 2022: Fostering Climate Resilient Upland Farming System in the Northeast (FOCUS) project hnuaia A.H & Vety. Department, Champhai ruahmannain vawiin khan khaw hrang hrang 31 atanga beneficiary mi 200 te hnenah Ar note Rainbow Rooster 20 theuh, a chaw pekna, ar chaw kg thum theuh leh tui pekna sem chhuah a ni.

Ar note te hlanna hun DVO Pisa tuala neih hmanpuitu DVO Dr. B.Zonghinga chuan Rainbow Rooster chu Zo-ar ang maia enkawl awlsam leh vulh nuam tak a nih thu sawiin, a tui that mai bakah a sa a tui avangin a zawngchhang tlak hle a ni, a ti a. Ar vulh tur dawngtute chu vulh pung deuh deuh tur leh hlawkpui thei tura ngaihtuahna senga tan la theuh turin a chah a ni.

Ar note te hi enfiah a nih hnuah a dawngtu tur Champhai khaw pawna awmte hnena hlan turin lirthei hmanga phurhchhuah nghal a ni. March ni 18, 2022 khan Champhai khawpui leh a chhehvel khaw hrang hrang 30 a beneficiary-te hnenah Ar note leh hmanruate hi sem chhuah a lo ni tawh bawk a. Tun financial year chhunga hmalakna tura ruahmanna neihte chu zawh fel a ni.