755/2025-2026

Aizawl, the 6th June, 2025: Mizoram Sorkar Food, Civil Supplies & Consumer Affairs (FCS&CA) Department chuan kumin furpui kan hmachhawn chhoh mekah mipuite'n buhfaia harsatna an tawh lohna turin theihtawp a chhuah mek a. Fur laia kal/tlawhpawh harsatna thin khuaa Kudam-ahte buhfai a chhek khawl fel tawh a ni.

He tih lai hian retailer-te buhfai khul leh sem chhuah kawngah harsatna awm thei a ni a. Hemi atana inbuatsaih lawkna atan leh dinhmun harsa zawkte'n buhfai an tlakchham loh nan Sorkar laipui (Ministry of Consumer Affairs, Food & Public Distribution) nena tangrualin NFSA buhfai, thla thum quota chu sem lawk tura ruahman a ni.

He ruahmanna ang hian Card Eng (AAY) leh Card Pawl (PHH) hmangtute June, July leh August buhfai chanpual chu June thla chhung hian sem lawk a ni ang.