Vawiin chawhma khan Food, Civil Supplies & Consumer Affairs Minister Pu K.Lalrinliana chuan a Pisaah Food, Civil Supplies & Consumer Affairs (FCS&CA) Department a Officers te meeting a neih pui a; Meeting hi (FCS&CA) Commissioner & Secretary Pu H.L.Rochungnunga chuan kaihruaiin, sawrkarin chini a sem theih nana ruahmanna Department in a duanchhuahte sawiin, Minister hnenah hian Centre-in state a chini sem dan tur ruahmanna a neihte a tarlang bawk a ni. Meeting-ah hian FEAST Software chu a hmasa ber atan Aizawl District-ah enchhin nise, ti a rel a ni.

Meeting-ah hian FCS&CA Joint Secretary, Deputy Secretary, Under Secretary, Joint Director, District Civil Supply Officers leh midangte an tel a ni.

Tun dinhmuna Ration Card neihzat:

1.    AAY (Antyodaya Anna Yojana)- 25484 nos.
2.    PHH (Priority Household) – 121378 nos.
3.    Non- NFSA – 120692 nos.

Total = 267554 nos.