930/2022-2023
Aizawl the 17th June, 2022 : Lumshnong, Megalaya ramchhungah ruahsur nasa leh tuilianin National Highway a tih chhiat avangin ramchhunga POL a bikin Petrol leh Diesel lakluh kawngah ni hnih thum chhung vel khaihlak palh theih a nih avangin Filling Station (Petrol Pump) ten mipuite hnenah an mamawh tawk bak a chuang a liam pek chhuah loh tur a ni. Tin, Petrol Pump ten motor a thun theih bak gallon/barrel hmanga tarn tham tumkhatah pek chhuah loh tur a ni. Harsatna lian zawk tawk lova mipuiten an mamawh ang Petrol led Diesel rualkhai taka an hmun theihnan 'The Mizoram Trade Articles (Licensing and Control) Order, 1987\ para 24 leh 25-in thuneihna a pek angin a hnuaia khuahkhirhna hi siam a ni. Petrol pump-te'n a hnuaia tarlan ang hian petrol/diesel mamawhtute hnenah an pe chhuak tur a ni.
| Type of vehicle | Qty of MS allowed for one-time issue |
1. | Two-wheeler (scooty) | 3 litres |
2. | Two-wheeler (motorcycle) | 5 litres |
3. | LMV | 10 litres |
4. | MMV | 20 litres |
5. | HMV | 40 litres |
Buhfai/Essential commodities phur truck te chu an challan milin an kal lam leh haw lam daih pek tur a ni ang.
Tin, Filling Station (petrol pump) te'n an stock position hi Deputy Director (G), FCS&CA (Ph: 9436198916) emaw Supply POL Report Group WhatsApp group ah nitin dar 09:00 AM leh 04:00 PM ah report an thehlut thin ang. Stock hi (dead stock tel lovin) MS ah 4000 ltrs leh HSD ah 7,000 ltrs-a a tlakhniam chuan FCS&CA Department hriatpuina leh phalna lovin pekchhuah tawh loh tur a ni.
He Order hi Joint Controller, Legal Metrology leh DCSO ten an bial chhungah khauh takin an kengkawh anga, dan lova (black-a) POL zawh a awm leh awmloh an vil reng bawk ang.
