931/2022-2023

Kolasib dated 17th June 2022: Vawiin khan SIRD & PR leh District Child Protection Unit, Kolasib tangkawp buatsaih, ‘Workshop On Women & Child Related Laws with Special Reference to Kolasib district’ hawnna hun SIRD & PR Conference Hall-ah neih a ni a. Pu K.Lalrinliana, Minister of State, Local Administration Department chu khuallian niin Pu ZR Thafala, Principal, Extension Training Centre, SIRD & PR, Kolasib chuan hun a kaihruai a ni.


Minister Pu K.Lalrinliana chuan dan leh hrai hriatna hi khawvel chankanna leh hmasawnna ina a ken tel a nih avangin dan lalna hmun apiangah hmasawnna a chak țhin thu a sawi a. Mipui tan a dan hi siam a nih angin hlawhtling tur chuan dan hnuai a kan chanvo kan hriat hi mitin mawhphurna pawimawh tak a nih thu a sawi. Dan hnuai a mahni dikna chanvo hriatna chuan huaisenna a pian chhuah tir thin thu Minister chuan sawiin kan nupui, fanu leh farnute himna tur leh dan hmaa thiam an channa tur chuan hemi kawng a dan leh hrai awmte kan hriat a tul thu a sawi. Dan hriat lohna chu thiam chan nan a chhuanlam a tlin loh thu sawiin khawtlang leh inchhung khur a hmeichhia leh naupangte dinhmun rahbeh a nih loh nan hemi kawnga thawktute zawng zawng chuan uar zawk a inzirtirna kalpui a pawimawh thu a sawi a. SIRD & PR leh District Child Protection Unit, Kolasib tangkawp buatsaih ‘Workshop On Women & Child Related Laws with Special Reference to Kolasib district’ chuan rah tha a thlen ngei a beisei thu a sawi bawk a ni.

Vawiin ‘Workshop On Women & Child Related Laws with Special Reference to Kolasib district’ neih ah hian Pu Vincent Lalrokoima, Senior Civil Judge cum CJM chuan ’Domestic Voilence Acts’ tih thupui hmangin zirtirna a pe a, Dr. David Zaitinvawra, District Chuld Protection Officer chuan ‘Children in need of Care & Protection’ tih thupui hmangin zirtirna a pe bawk a ni.

Chawhnu ah hian ‘Children in Conflict with Laws’,‘Protection of Children from Sexual Offences’, leh ‘Cyber Crime’ tih thupui hmangin Pi Julie Lalrinzami, Judge, Fast Track Court, Pi Cacy Malsawmtluangi Ralte, Civil Judge cum Judicial Magistrate leh Pi T.Lalchhandami, Faculty, ETC ten zirtirna an pe bawk a ni. Workshop-ah hian Hmeichhia leh naupang enkawlna kawng a Department mawhphurna hrang hrang nei te, One Stop Centre-a thawktute, School Teachers’ Association aiawhte, NGO hruaitute leh Home enkawltute an tel a ni.

Attachment

  • Loading attachment...