Nimin chawhnu khan Kohhran Hall, Tuikual Presbyterian Biak In-ah Awareness Campaign on Food Safety Prevention of Food Administration, Directorate of Health Services buatsaihin neih a ni.
He hun hi Pu Lalsawma Pachuau, Dy. Director of Drugs Controller chuan kaihhruaiin, Dr. C. Lalthanmawia, Director, Health Services chuan a hmanpui bawk.
Pu Lalsawma Pachuau chuan Keynote Address pe in, ei leh in a kan fimkhur loh avangin kan hriselna in nasa takin a tuar a, pawnlawm thatna mai ngaihtuah lova, kan taksa thatna tur leh mawina tur zawk kan ngaihtuah thiam hi a pawimawh em em a ni a ti.
Dr. C. Lalthanmawia pawhin thu sawiin chaw him (safety food) ngei hi ei tum ila, Mizoten kan chawhmeh ngainat em em saum, sa rep leh artui te hi kan ei nasat avangin Mizote hian pumpui cancer kan vei nasat phah em em a ni a ti. Thil kan nana kan hman tel pawh hi Refined Oil ngei hman tum hram hram ila a tha a. Hetiang lama dik lo taka lo zuar an awm anih pawhin Dan hmangin khap tlat a ni tawh dawn a ni a ti bawk.
He awareness campaign ah hian Pi Lalrinkimi Pachuau, Pu John Laldingliana, Food Safety Officer leh Pu Lalsawma Pachuau, Deputy Food Safety Commissioner ten kalkhawmte hnenah zirtirna hun an hmang a, chhimtu mipuiten hlawkpui an tiin zawngchhangtlak an ti hle a ni.
