Office of the Deputy Commissioner, Aizawl District, Aizawl chuan nimin 13.9.2011 khan a hnuai ami ang hian Hriattirna a chhuah a ni :

Mi tupawh Dan in a phalna lehkha fel tak nei si lova Silai emaw, a mu emaw, a eng chi pawh a kawl chuan The Arms Act, 1959 Section 21 a bawhchhia a ni. He Dan bawhchhiate chu Section 25 of the Arms Act, 1959 angin kum khat aia tlem lo tan tir theih an ni a, he hremna hi kum thum thleng pawhsei theih a ni a, chawitir theih a ni bawk.

Aizawl District chhunga Silai licence thi tawh renew si lova silai eng chi pawh kawl te chuan an awmna atanga Police Station hnai berah he Hriattirna chhuah atanga chawlhkar hnih chhungin receipt fel tak lain Silai hi tun ngei tur a ni. He thu zawmlo te chungah Section 25 of the Arms Act, 1959 hnuaiah Dan anga hmalak a ni ang.

Tin, Arms Licence thi tawh kawl te chuan an licence renew dilna District Magistrate, Aizawl hnenah he Hriattirna chhuah atanga thla khat chhungin an thehlut ngei ngei tur a ni.

(Aizawl DC ngenna angin he hriattirna hi a nih ang anga chhuahsak turin Media te ngen an ni)