Chief Minister Pu Lal Thanhawla chuan ‘ Force nih chuan fit angai a, discipline a pawimawh ber fo a ni’ a ti. He thu hi vawiina Police Training Centre, Lungverha 61st Batch Recruit Constable Passing Out Parade neihna a sawi a ni.
 
 

Chief Minister chuan police constable passed thar te chu force an nih avanga mahni inthununna ngai pawimawh tura chahin, hun vawng dika, englai pawha fit turin a chah a. Ram venhna thawk tur an nih avangin huaisen leh fit an nih angai a, chumi tur chuan hrisel a ngaia, hrisel tur chuan zuk leh hmuam leh ruihtheih thila fihlimin, kan ei leh in thlenga kan duhtui angai a ni a ti. Pu Hawla chuan tunlaiah Mizo ten discipline kan tlakchham thu sawiin, mahni hotute ngei pawh hmuh duhloh avanga hmuh loh derte, uniform ha chunga thut zun zunte a inhmeh lova, a chhe laite chu siam that hna thawh chhoh zel a ni ang a ti a.. An chhechhamna a an intiam ang ngeia hawihhawm taka awm chu tih makmawha nei tura chahin, aia upate leh senior zawkte chu chawimawi thiam thin turin a fuih a ni.

Chief Minister chuan police te chu mipui thlamuantu tur leh chhantu tur an nih avangin, rinawmna te, taimaknate, diknate, thianghlimna te leh hawihhawmna te nen hna thawk thin tura chahin, darkar 24 hna an thawh avanga kum khatah thla 13 hlawh pek an nih chhante hre ranga, phur taka an hna chu thawk turin a chah a ni. Chief Minister chuan 4th IR Bn a mi tur an nih thu sawiin, an chungah Mizoram sorkarin thu tawp a neilo a ni a ti bawk.

Pu Lal Thanhawla chuan Police Martyrs Memorial-ah pangpar a dah a.( A hma in Home Minister-in a lo dah tawh bawk ) PTC Souvenir hmasa ber chu a tlangzarh bawk a. Recruit Constable ten training an neih chhunga inelna chi hrang hrang neiha titha te hnenah lawmman a sem bawk a ni. Lawmman dawngtute chu 1. Chief Minister Running Trophy & Gold Medal ( RT & GM ) on Drill chu RC No.355 Lalawmpuia, PTC lungverh  2. Home Minister RT & GM on Legal Studies chu RC No.30 Jacob Vanlalsiama, PTC Thenzawl  3. Chief Secretary RT & GM on Musketry chu RCNo226 Lalrinliana PTC Lungverh  4. DGP(M) RT & GM on General Studies chu RCNo.149 Laldingliana SAilo,PTC Lungverh  5. IGP RT & GM on Police Science chu RCNo.403 F.Lalhmangaihzuala, PTC Thenzawl  6.DIGP(T) RT & GM on Physical Training chu RCNo.138 Chhanchhuahkima, PTC Thenzawl  7. Pincipal PTC RT & GM on Examplary Conduct Award c hu RCNo.98 K.Lalawmpuia,PTC Lungverh leh 8. Governor RT & GM on Best All Round chu RCNo.355 Lalawmpuia,PTC lungverh an ni.

Vawiina pass chhuak ta te hi 4th IR Bn tura lakte an ni a. A tira training tura lutte hi 511 an nih lain, passing out parade a telte hi an vaiin 472 an ni. Adang 27 te chu hren khawtlai an ni a, 7 dangte chu training chhunzawm theilo leh 3 dangte chu ban an ni. Basic training chhung zawng hi hapta 45 chhung a ni a, syllabus Indoor leh Outdoor subject ah te zirtirna pek an ni.

Passing Out Paradeah hian Ministerte leh Parliamentary Secretaries te bakah Police senior officers leh mipui an kal tha hle a ni.
 
 

Attachment

  • Loading attachment...