Vawiin khan Mizoram Bamboo Centre, Lengpui ami chu Environment & Forest Minister Pu H. Rohluna’n a hawng a. Khuallian hi a thiannu Pi Lalbiaknii, Lawngtlai West bialtu MLA Pu C. Ramhluna leh Forest Department officials thahnem takin an rawn tawiawm a ni.
Minister chuan thu sawiin Mautam tam chu harsatna thlentu nimahse mau bikah chuan “harhtharna” thlentu ni thei se a duhawm hle, a ti a. Forest reserve ram chu dan lova luahsak (encroachment) nasa lutuk chu Revenue Department te nen tanghova humhalh leh zual a tul a ni tiin Forest Department hnuaia Legal Cell pawh tun aia thuamthat leh chak zawka kalpui tul a tih thu a sawilang. Kangmei laka ram kang te uluk leh zuala veng theuh turin kalkhawmte a chah bawk.
Vawiina hawn tak Mizoram Bamboo Centre chu thil pahnih - Bamboo Setum leh Permanent Hi-tech Nursery - inkawp tura buatsaih a ni a. Bamboo Setum-ah chuan Mizoram mau chauh nilo state dang leh foreign atanga lak luh chin a ni ang a, tunah hian Mizoram mau chi hrang hrang 21 leh ram pawn mau chi 6 chin mek a ni. Permanent Hi-tech Nursery-ah chuan mau tha chi mumal taka kui tiah leh enkawl tum a ni a; tunah hian mau tiak nuai 3 vel enkawl mek niin mau hralhchhuah tham englai pawha neih reng theihna tura ruahman a ni. He Centre hi 2007 atangin buaipui tan a ni a, a zau zawng chu 3.5 hectares vel niin sum sen tawh zawng zawng chu Rs.38,17,930 a ni.
Minister chuan Bamboo Action Plan hnuaia din Bamboo Nursery, Sairang a tlawh nghal bawk a, he hmunah hian thingphunna a nei nghal a ni. Sairang-a Bamboo Nursery hi May 2007 atanga din tan niin tunah hian National Bamboo Mission hnuaia enkawl tawh niin a ram zau zawng chu 8 hectares a ni a. A vaia sum hman tawh chu cheng nuai 18 vel a ni a, Permanent Field Structure Nursery leh Green House changtlung tak a nei. He Nursery hi Aizawl Forest Division siam a ni a, Sairang R.O. in a enkawl mek a ni.
Vawiina hawn tak Mizoram Bamboo Centre chu thil pahnih - Bamboo Setum leh Permanent Hi-tech Nursery - inkawp tura buatsaih a ni a. Bamboo Setum-ah chuan Mizoram mau chauh nilo state dang leh foreign atanga lak luh chin a ni ang a, tunah hian Mizoram mau chi hrang hrang 21 leh ram pawn mau chi 6 chin mek a ni. Permanent Hi-tech Nursery-ah chuan mau tha chi mumal taka kui tiah leh enkawl tum a ni a; tunah hian mau tiak nuai 3 vel enkawl mek niin mau hralhchhuah tham englai pawha neih reng theihna tura ruahman a ni. He Centre hi 2007 atangin buaipui tan a ni a, a zau zawng chu 3.5 hectares vel niin sum sen tawh zawng zawng chu Rs.38,17,930 a ni.
Minister chuan Bamboo Action Plan hnuaia din Bamboo Nursery, Sairang a tlawh nghal bawk a, he hmunah hian thingphunna a nei nghal a ni. Sairang-a Bamboo Nursery hi May 2007 atanga din tan niin tunah hian National Bamboo Mission hnuaia enkawl tawh niin a ram zau zawng chu 8 hectares a ni a. A vaia sum hman tawh chu cheng nuai 18 vel a ni a, Permanent Field Structure Nursery leh Green House changtlung tak a nei. He Nursery hi Aizawl Forest Division siam a ni a, Sairang R.O. in a enkawl mek a ni.
