August, ni 9, 2013 (Zirtawpni) chawhma Dar 11:00 khan Mizoram Youth Commission Chairman Pisa-ah Singapore-a hnathawka kal tur hmeichhia 5 thlahna leh Singapore-a kal tur, Mizoram Youth Commissison leh GiGA Career Training Institute tangdunten training an pek atanga zirchhuakte Certificate hlanna inkhawm neih a ni a. Pu Hmingdailova Khiangte, MLA, Chairman, Mizoram Youth Commission-in Certificate te a hlan zawhah Singapore-a kal turte hi a vai liam a ni. He inkhawmah hian Pu T. B. C. Lalpekthara, Member, MYC chu Chairman a ni a, Pu R. Ramhmangaiha, Member, MYC chuan hunserh hmangin Dr. S. R. Zonunthara, Member, MYC-in lawmthu a sawi a. He inthlahna leh Certificate hlanna hunah hian Pu J. T. Vanlalngheta, Secretary, MYC-in Keynote Address/tunhnaia MYC hnathawh leh Foreign Employment chungchanga MYC hmalakna a hlawhtlinna avanga Pathian hnena lawmthu a sawi thu sawi langin Pu Jervis Lalramnghaka C, Director, GiGA Career Training Institute chuan Security chungchang leh Singapore-a kal turte hnena awmdan turte GiGA Career Training Institute leh Singapore-a an Agent leh Singapore sawrkar chungchang ngaihnawm takin a sawi.

He Programme-ah hian Mizo thenkhat India mi (citizen) ni ngei a ngaih, Burma atanga Singapore a kal thin an awm thu sawi lan a niin an ngaihmawh thu an sawi a, Mizoram ah Agent rintlak an awm a nih chuan, nakina buaina leh harsatna awm thei laka him nan Mizoram (India) atanga Singapore a kal nise an duh thu he hunah hian an sawi.