Vawiin chawhma dar 11:00 khan Indian Foreign Secretary, Pu Ranjan Mathai chuan New Secretariat huam chhunga Passport Kendrya hmun tur a tlawh.
Pu Ranjan Mathai hian zing lam dar 10:30 ah Pu M. Laldingliana, State Chief Information Commissioner chu a office-ah a tlawh a, hemi hnu hian Passport Kendrya hmun turah hian an kal ho a ni.
He Passport Kendrya hi NE State ah chuan awm hmasa ber tur niin, hun reilote ah hawn anih tur thu Foreigh Secretary chuan a sawi. He Passport Office hi tan anih hunah chuan Mizoram atangin Passport dil tan Guwahati an pan emaw, Dak In pui hmanga an thawn thin ang kha a ngai tawh lovang Computer (Internet) hmangin engkim he office atang hian tihfel theih a ni dawn a ni.
Passport Kendrya a tlawhna ah hian Pu Van Hela Pachuau, Chief Secretary leh Pu K. Riachho, Home Secretary te pawh an tel a ni.
