Vawiin chawhma dar 11:00 khan I & PR Conference Hall, Champhai ah Forest Department kaihhnawi inkhawm pawimawh tak neih a ni, Pu Zoengsanga, Addl. DC kaihhruaina in neih a ni.

Vawiin meeting ah hian Pu Lalthangliana Murray, Chief Conservation of Forest (Admn) chuan Mizoram Forest Act dan angin Mizoram chhunga thingkung ding reng reng te hi chu Sawrkar ta vek a ni a, mahni khua atanga khaw dang ken chhuah (transfer) hi dan in a phal lo a. Mipuiten kan mamawhna avanga thing kan lak thin ah hian Forest Department hi a nazawngah a inrawlh lo a, hriatthiamna a nei thui hle a, chutih rualin Mizoram thing leh mau, ramsate an chereu nasa lutuk tur venhimna atan chuan Dan anga chet a ngaih thin thu sawiin Pu Murraya chuan Forest department hmalakna hrang hrang report a pe nghal bawk a.

Pu V.Lalchawimawia, Addl S.P pawhin thusawina hun a nei.

Agenda hrang hrang sawi ho anih hnuin meeting chuan Champhai District Bawrhsap hova la chhunzawm leh turin a rel a ni