Champhai Zotlang khawhhmun hluia Botanical Garden siam tura ruahmanna awm bawhzuiin tukin khan Environment Forest and Climate Change Department changtu Minister Pu TJ Lalnuntluanga, Sawrkar Official leh khawtlang hruaitute'n a hmunah kalin an enfiah.

Botanical Garden hi mipui vantlang tana lenkhawthawnna leh zirna pui theitu tura ruahman niin, Mizoram chhunga thing leh mau awmte humhalha awlsam taka hmuh mai theih tura phochhuahna hmun tur a ni a. Chak zawka hmalak anih theihna tura mamawh awm thei angte department kaihhnawih hrang hrang hotute nena enho niin a hmunhma te pawh ngaihtuahna zau tak pu chunga sawiho a ni a.

Hmunhma thlan chungchangah nakin zela harsatna awm theite leh remchan zawkna te thlirin khawtlang hruaitute leh Sawrkar lam pawhin inrawnkhawma thutlukna siam nise tih a ni.

Minister hi Pu Lalnunfela Chawngthu, SDO Sadar; Pu Lalduhthlana, DFO Champhai; Dr Lallawmkima, DIPRO; Er J.Kapkima, EE, PHE; Er Thangchhuana Pautu, Sr. SDO PWD leh Official dang te'n an tawiawm a ni.