Environment & Forests Minister Pu Lalrinmawia Ralte chuan ramngaw leh nungcha humhalh kawnga hma la tha Sihphir Branch leh Sihphir Venghlun Branch YMA hruaitute chu vawiin chhun khan a office chamber ah thingpui a inpui. Sihphir Branch YMA te hian a ruka sa pel thin te silai 5 an man sak a, heng silai te hiCentral YMAhnenah hlan a ni. Sihphir Venghlun Branch YMA hian Puansen ramah nungcha humhalhna (Sanctuary) tha tak ansiama, helai hmun hi eco tourism atan buatsaih an tum a, zirlai naupang hnenah ramngaw leh nungcha humhalh inzirtir tura uar taka hmalak te an tum bawk a ni.

Minister Pu Lalrinmawia Ralte chuan CYMA-in ramngaw leh nungcha humhalh beihpui a thlak atang leh sawrkar anga kan inzirtirna chuan rah a chhuah chhoh mek thu a sawi a. Kan chhehvel ramngaw leh leilung neitu dik tak chu sawrkar nilovin mipui te kan ni tiin kan humhalh that loh chuan a tuartu tur chu mipui te vek kan ni tih kan hriata, uar zawka ramngaw nungcha humhalh kan  inzirtir chhunzawm zel a tul a ni, a ti. Hnam angakankulhpui dik tak chu YMA a ni tiin YMA chuan tha thlah lova tan la chhunzawm zelturina ngen bawk. Ramngaw leh nungcha humhalh kawnga Sihphir Branch leh Sihphir Venghlun Branch YMA ten hun leh tha tam tak senga hma an lakna te chu chhuanawm tiin ram pum tan entawntlak a tlin thu te a tarlang bawk. Mizo ten ngaiakanneihkantlangram, lui leh nungcha te chu sum dehchhuah nana hman theih vek a ni tiin chumi zawnga hma lak a pawimawh thu te a sawi lang bawk.

Minister hova thutkhawm hi Addl. PCCF Pu Rosiama Vanchhawng-in a kaihruai a, PCCF Pu Lal Ramthanga leh CYMA Vice President Pu Vanlalruata te pawhin lawmthu sawina hun an hmang bawk. Sihphir Branch YMA leh Sihphir Venghlun Branch YMA hruaitu te chuan ramngaw leh nungcha humhalh kawnga an hmalak dan te report an pe a, Sawrkar hotu leh Environment & Forests Department ten an hmalakna phurpuia an tawiawmna zawng zawngah lawmthu an sawi ve bawk a ni.

Vawiin Minister leh Branch YMA meeting ah hian Environment & Forests Department hotu te leh CYMA hruaitute an tel bawk a ni.