National Food Security Act, 2013 Mizorama hman mek chungchanga PU John Rotluangliana, Minister, FCS & CA Press Handout :

The National Food Security Act, 2013 Mizoram a hman nghal anih loh chhan: NPSA, 2013 hi Mizoram Sawrkar chuan a hmang nghal mai lova, a chhan chu hengte hi an ni: (1) He dan hnuaiah Mizoram ah Mi 7,06,296 chauh in buhfai man tlawmin an lei thei dawn ani. (2) Dan hman lai mek a puitling pakhat in thlakhat-ah buhfai Kg 8 a dawn theih laiin, he Dan hnuaiah chuan mi pakhat in thlakhat ah Kg 5 chauh a dawng thei tawh dawn; (3) NFSA, 2013 in a Central Sawrkar tum tur bik atana a bithliah - buhfai phurhna man te, Retailer hlawh tur zat te leh Handling Cost te chiang taka ruahmanna leh hriattirna Central Sawrkar in a la siam loh avangin; (4) NFSA, 2013 hmang tura Central Sawrkar in dan a siamah hian Dan thar hman anih tak avanga buhfai mantlawm dawng ve thei lo te chhawmdawl dan tur Central Sawrkar in ruahmanna a siam loh avang te in leh (5) He Dan hnuaia hamthatna dawng tur zawng zawngte chhungkua nihphung kimchang taka Computer a chhut luh (Digitisation of family Ration Card) a ngaih avangin leh a duh apiang en theih tura “Internet” a tarchhuah (Display in public domain) a ngaih avangin, tun a kan hman tak anga Mizoram sawrkarin ruahmanna a siam hma kha chuan ahmang nghal mai lo ani.

Ration Card “diklo” chungchang: NFSA, 2013 hmanna tur atan Central Sawrkar in Ration Card chungchangah dan khauh tak a siam a, Ration Card Digitization tihna atana Computer Software hman mek chu he dan mil a siamthat (Customize) vek hman anih tak loh avang leh, he system in a phut anga  Ration Card holder ten information kim chang an pek loh avangin duhthusam a tha leh dikin siam theih ani rih lo ani. Tuna Ration Card diklo ni a sawi - Pianni leh thla te leh Family details dangte, Ration card a thlalak diklo te leh chhungkua member lang kimlo te pawh hi mipuiin Computerised System duh dan anga information kan pek loh avanga lo awm ani deuh ber a, tin, mihring kan famkim loh avangin Data Entry tihnaah te typing error awm thei niin, Data Entry Form fill up-naah te pawh diklo palh awm thei ani bawk.

Hengte hi Department in hre mahse Ration Card Holder ten details kimchang an thehluh loh avanga Ration an dawnloh ai chuan, anih dan ang ang in pawm sak an ni a, tin, Central sawrkar in Card hi mipui te hnena semchhuah anih hma chuan kan buhfai dawn tur te min pek theihloh avangin, a hnu a siamthat leh mai zawk tur in, Ration Card hi semchhuah a ni.

Beneficiary Selection chungchang : Beneficiary Selection Committee te hi khawtin/Vengtin a Village Council/Local Council member te leh khawtin a mi rintlak a ngaih (Prominent Citizen) te an ni a, heng Prominent Citizen-te hi Beneficiary Selection Committee te ruat an ni. Prominent Citizen-te ruatna ah hian pawl thenkhat ten an complaint avangin, Complaint thehlut tu te duh dan ang thlap in ruat leh an ni.

Ration Card Holder Details diklo in chhungtin Ration lakna a dal lo : Heng family details hrang hrang Ration Card-a lo lang te hian chhungkaw-tin te Ration lakna turah nghawng a nei lova, Food Security Act hnuaiah chuan Puitling leh Naupangin an dawn theih zat a in ang vek tawh avangin chhungkua Member zat chauh hi ration lakna tura tehkhawng a ni.

Food Security dawng thei tur Selection Committee: ten an thlan, engemaw avanga Ration Card la dawnglo te pawh an quota la theiturinDCSO-te Order pek vek tawh an ni.

Ration Card diklo chu Ration Card Holder ten pawisa sen belh ngai lovin siamthat sak a ni ang : Ration Card pakhat man hi Rs. 10 /-  bituk a ni a, Ration Card dik lo siamthat sakna atan hian pawisa chawi belh a ngai lo.

Ration Card Revision: Digitised Ration Card Verification hi Department-in a theih chinah vawi tam tak a nei tawh a, heng Verification neihnaah hian a diklo lai te pawh tam tak siam that tawh ni in, The Mizoram Food Security Rules, 2015 in a sawi angin, Ration Card diklo la awm te leh beneficiary thlan chhuah tak te pawh ennawn a, siamthat zel tur a ni.

March, 2016 Quota Semchhuah dan: Food Security Act hnuaiah chuan Thla khatah Vawikhat zelin Quota hi semchhuah tur anih laiin, March thla atan chuan thlakhat Quota hi tum hnih semchhuah tur a ruahman a ni a, mipuiten engemaw avanga vawikhat semna a an dawn tur an dawnglo anih pawhin, tum hnih-naah chuan an quota kim a la thei tur a ruahman ani. 2nd Installment Allotment Order hi March NI 17, 2016 khan tihchhuah tawh a ni a, hmun tam takah buhfai semchhuah tawh anih laiin hmun thenkhatah erawh engemaw rokhawlhna avangin retailer ten quota an la la chhuak thei lo a, heng hmunah te pawh hian, a rang thei ang ber a buhfai semchhuah mek zel a ni. Tun dinhmunah thil tihfel tur zualpui tih fel tawh anih avangin, April quota hi chu tum khat a tichhuah ani ang.

Food Security Act implement-naah hian Department kalphung pangngai chu nasa takin tihdanglam (Structural Change) a lo ngai ta a, hemi avang hian Department pawhin fimkhur takin ke a pen mek ani. He system thar a chuang kai tur a Department a in her remnaah hian, hun lo la awm zel tur ah Ram tan leh Mipui tan a thil tha zawk tur ani tih hria in, mipui te hriatthiamna leh tawiawmna Department chuan a ngen a ni.