Vawiin chawhma dar 11: 00 khan D.C.’s Conference Hall, Siaha-ah Dr Vanlalhruaia Hnamte, Senior Scientist and Head, KVK, Siaha kaihruaina hnuaiah Prime Minister Crop Insurance Scheme ‘Awareness Programme on Pradhan Mantri Fasal Bima Yojana’ Krishi Vigyan Kendra (KVK), Siaha buatsaihin Awareness Programme hlawhtling taka neih a ni.

He Programme-ah hian Pu RT Zachono, CEM, MADC, Siaha chu khuallian niin, Siaha District chhunga kuthnathawktu ten he Scheme thar hmanga hamthatna chi hrang hrang an chan theih tur te zir ho a ni a, State Bank of India, Mizoram Co-Operative Apex Bank leh Mizoram Rural Bank Manager te Resource Person-ah tangin, loneitu ten he Scheme chungchanga an zawhna chi hrang hrang te hrilhfiahna hun hmangin, Siaha District khaw hrang hrang atangin AMFU Member thahnem takin he Programme hi an chhim bakah Department hrang hrang Officer thahnem takin an hmanpui bawk. KVK in Siaha District Khaw hrang hranga thlai chinna lei (Soil) an test na Result Soil Health Card te chu loneitu te hnen-ah an sem chhuak bawk a ni.