3178/2023-2024

Aizawl, the 27^th December 2023 : Tukin khan Environment, Forest & Climate Change Minister leh Aizawl East I bialtu ni bawk Pu Lalthansanga leh Sports & Youth Services Minister Pu Lalnghinglova Hmar te chuan Zembawk Football Field siam mek chu khawtlang hruaitute leh vengchhung GSA hruaitute nen an enho a ni. Minister 2 te hi Aizawl Smart City Ltd hotute, Mizoram State Sports Council hotute leh Mizoram Football Association (MFA) hruaituten an tawiawm a ni.

Sports Minister Pu Lalnghinglova Hmar chuan Mizorama Football khelmual kan neihte hi standard size tling a tlem a, standard size anih loh chuan National Tournament te pawh duh angin kan thleng thei lova. National Championship te hi a tam thei an ber thlen theih kan duh a, chumi atana pawimawh ber standard size football field kan neih tam hi a ni, a ti. Hetiang championship kan thlen dawn chuan riahna tur kan neih that a ngai a bawka, kan khelmual ah te hian infiammi thlen theihna hmunhma pawh ngaihtual tel hi thil tul tak a niin ka hria, a ti bawk.

Helai hmun an enna hian khawtlang hruaitute chuan tunah football field siam mek 92 metres by 52 metres chu a zim deuh avangin, standard football ground size 100 metres by 65 metres anga siam theih dan kawng awmte chu Minister te hi an sawipui a ni.  Sports Minister field zuah thei dan kawng dap nise tiin field sak nana sum tumtu Aizawl Smart City Ltd. hotute chu a thei anga anga hma lo la turin a hrilh a ni.

Helai hmun a en zawha Sports Minister hian a hranin Edenthar a Football Field siam mek chu a hmun kalin hnathawh dan a en a ni. He field sak mek pawh hi a zim deuh avangin a zau thei hret dan te a hmun an enho a ni.

Zembawk Football Field siam hna hi NECS an thawk a, Edenthar Football Field siam mek hna hi Vinco Construction in an thawk a, heng field pahnih te hi Aizawl Smart City Ltd. sum hmanga thawh mek a ni.