3179/2023-2024
Aizawl, 27.12.2023: Aizawl Sr. SP Traffic chuan a hnuai ami ang hian lirthei tlan dan tur tihdanglam chungchangah hriattirna a chhuah:
PWD, Aizawi Road North Sub Division-III ten Vaivakawn Zohnuai Leiminna lai kawng chhe zual siamthat hna an thawh dawn avangin Ni 28.12.2023 (Ningani) Zing dar 10:00 leh Tlai dar 4:00 inkar chhung chu helai kawngpui hi khar/block a ni dawna, lirthei tlandan tur ahnuai a mi ang hian thupek chhuah a ni.
1. City Bus/University Bus: Vaivakawn atangin Middle Kanan ah phei in Chawnpui leh Zotlang kaltlangin Chhangurkawn ah an chhuak phei ang. An lo let leh lam chu Luangmual Vengthlang lam ah pheiin Ainawn Veng kawng ah Hmingmawii Filling Station lam ah MINECO leh Khatla lamah an chhuak chho ang.
2. No Parking: Vaivakawn, middle Kanan, Chawnpui, Zotlang - Chhhangurkawn City Bus/University Bus Route turah hian Lirthei engchimah kawng dungah park phal a ni lo.
3. Two Wheeler leh LMV (407 tel loin):
i) Vaivakawn atangin Seventh day tlang lamah chho in DM&R Office bul atanga Chawnpui kawn ah chhuk thla in Pu Vankhama veng ah kawngpui a zuk pawh leh ang a, Zotlang atangin Chhhangurkawn a pawh thla ang.
ii) Tin, Seventh day tlang atangin Zotlang pawhin a chhuk thlak theih bawk ang.
iii) Chhangurkawn lam atangin Zotlang, Chawnpui Vengthlang, Kanan lam ah kal in Vaivakawn an kal thei ang.
He thupek hian chhiatrupna thil, kangmei leh emergency kaihhnawih a duty, dan leh thupek pawimawh bik a Police leh Magistrate duty te chetvelna a huam lo ang.
He thupek zawm lo chu Section 179, MV( Amendment) Act 2019 hmanga hrem theih an ni
