3180/2023-2024

28th December, 2023 : Vawiin khan AH & Veterinary Minister Pu C. Lalsawivunga chuan Vaphai khuaa Veterinary Dispensary a tlawh. Thawktute nen inkawm in hmalakna hrang hrangte a hmunah a enzui a ni.

Thu sawiin Minister Pu C. Lalsawivunga chuan Vety department chu kuthnathawktu tam tak leh state intodelh na tur atana department pawimawh tak a nih thu sawiin, department chu a tangkai dan tur ang taka siam thar leh turin sawrkarin theihtawp a chhuah tur thu a sawi. Sawrkar policy chu mipui lam hawi a nih ber thu leh ram leh mipui tana a tha tur a nih chuan engkim a tih tur thu a sawi a. Minister chuan ei leh bara intodelh chu sawrkar thupui ber a nih thu leh, chutih laiin ranvulhten hriselna tha tak an neih theih nan leh sa hrisel leh tuihnai tak an neih chu department mawhphurhna a nih thu a sawi. Department chhunga thawktu indaihlohna chungchang sawiin, doctor leh ran enkawl lama mithiam mamawh ang angte la turin a tahtawl a hma lak zel a nih tur thu a sawi.

Veterinary Dispensary, Vaphai ah hian thawktu 2, Veterinary Field Assistance (VFA) 1 leh Peon 1 an awm mek a ni.

AH&Vety Minister hi Pu C. Thasiama, Livestock Extension Officer bakah Vaphai Village Council leh Vaphai NGO hruaitu thenkhatten an tawiawm a, Vaphai khawtlang mamawh hrang hrang an lo thlen te a ngaihthlak sak bawk a ni.