DIRECTORATE OF INFORMATION & PUBLIC RELATIONS, Government of Mizoram, India

DIRECTORATE OF INFORMATION & PUBLIC RELATIONS

Government of Mizoram

Page Links: https://dipr.mizoram.gov.in/post/forest-minister-pu-tj-lalnuntluanga-national-conference-of-ministers-of-efcc-ah-a-telp

FOREST MINISTER PU T.J. LALNUNTLUANGA NATIONAL CONFERENCE OF MINISTERS OF EF&CC-AH A TEL

2035/2022-2023
Aizawl 23rd September 2022: Ni 2 awh tur National Conference of Ministers of Environment, Forests & Climate Change, Kevadia, Gujarat-a neih mêkah Mizoram sawrkâr aiawhin Forest Minister Pu T.J. Lalnuntluanga leh Pu R.K. Singh, PCCF leh Pu Rosiama Vanchhawng (IFS Rtd.), Chairman, Mizoram Pollution Control Board-te an tel.

He Conference hi Pu Narendra Modi, Prime Minister, India-in Video Conference hmangin a hawng a, thu a sawi nghal bawk.

He Conference-ah hian environment humhalh leh vênhim kawnga India ram kal dân leh kal zêl dân turte sawi ho a ni a, hman khat daih plastic hmang tawh lo tura hma lâk mêk dânte sawi hoin sik leh sâ inthlâk danglam chak tak chungchâng pawh sawi ho nghal a ni a, State tinah chak tak leh khauh taka hma lâk chhoh zêl tur a ni.

Ramngaw humhalh chungchângah pawh kan ramngaw neihsâte humhalh lehzualin ramngaw tam zâwk siam tura hmâ la chho zêl tura ruahmanna siamin sawi ho a ni bawk.