1647/2022-2023
Aizawl, the 18th August 2022: ‘Capacity Building Workshop on Intelligence Collection, Investigation and handling of Wildlife Offence cases’ chu vawiin dt.18.8.2022 hian a ni hnihna leh a tawpna ni turin Chief Wildlife Warden Conference Hall, MINECO, Khatla, Aizawl-ah neih chhunzawm leh a ni.

He inzirtirna pawimawh tak hi Pi Lalrammawii Sailo IFS, Chief Wildlife Warden, Mizoram in kaihruaiin Pu Agni Mitra, Regional Director, Eastern Circle, Wildlife Crime Control Bureau (WCCB) leh a ho ten heng subject:- ‘Search & Seizure’, ‘Preparation of Court documents’, ‘Investigation & Filing of Complaint’ ah te hian zirtirna an pe leh a ni.

Mock Court & Mock Crime Scene Exercise chungchang-te zirho na leh a taka tih chhina neih a ni a, Group 5 ah inthen in uluk takin exercise hi neih a ni bawk, Hemi bakah hian topic pawimawh tak tak heng ‘Preparation of label’, ‘Seizure memo’, ‘Arrest Memo & Statement of Accused’ tih chungchang te inzirtirna neih a ni bawk a, He training-ah hian Wildlife (Protection) Act, 1972 hi chipcbhiar takin an zirtir a, hei hian Mizoram a Wildlife Crime case hrang hrang chinfelna kawngah nasa takin min pui in kan tangkaipui ngei kan beisei.

Vawiin tlai khan he training kharna hun hi neih a ni a, a kharna programme-ah hian Pu Jitendra Kumar IFS, Principal Chief Conservator of Forests, Mizoram in he Training a tel Forest Department Officer leh PoliAddl.Principal Chief Conservator of Forests in Closing Remark a sawi a, hemi zawhah hian Pu Jawarharlal Boro, Inspector, Wildlife Crime Control Bureau (WCCB) in lawmthu sawina (Vote of thanks) neiin he training hi khar a ni ta a ni.