Sorkar laipuia Ministry of Mines hnuaia Geological Survey of India (GSI chuan Aizawl, Mizoram chu India ram leilung lam thiamna tura mihring an chherchhuahna ber thin hmun 6 awm tawh bakah a hmun 7-na Field Training Centre (FTC) atan an rawn thlang fel ta. Shillong, Meghalaya pawh Regional Training Institute dinna hmun turah thlan a ni bawk. GSI ten Field Training Centre an neih tawhna hmun te chu Saketi, Bhimatal, Zawar, Ranchi, Raipur leh Chitra durga hmunte an ni.
Aizawl-a awm tur FTC hi India hmarchhak tan leh India ram hmun hrang hranga mithiamte training neih tir theihna tura buatsaih a nih dawn avangin a hmun leh hma ruhrel neih dan turte enfiah pahin vawiin khan Industries & Mines Department Minister S.Hiato bakah amah tawiawmtu Parliamentary Secretary Pu R.L.Rinawma leh Industries Director Pu Shurbir Singh ten Geology & Mining Office, Luangmual West an tlawh a, thawktu officer leh staff te nen inpawh takin inhmuhkhawmna nei zuiin hmalak zel dan turte an sawiho.
Industries Minister Pu S.Hiato chuan ramin intodelh a tumna kawng hrang hrang zingah lelung hausakna haichhuah hi a hnuk pui ber a nih dawn avangin tun atanga zirlai leh Mizo thalaite pawhin an inbuatsaih a ngai tawh a ni, a ti.
Geology & Mining hian tunah hian officers leh staff 70 chuang a nei mek a, national leh international company/agency 9 nen thuthlung siamin oil leh gas zawn hna an thawk mek a ni. Minor leh Major (Mineral Sector) atangin chhiah vaibelchhe 3 chuang kum kal ta khan an chhunglut tawh bawk a ni.
Industries Minister Pu S.Hiato chuan ramin intodelh a tumna kawng hrang hrang zingah lelung hausakna haichhuah hi a hnuk pui ber a nih dawn avangin tun atanga zirlai leh Mizo thalaite pawhin an inbuatsaih a ngai tawh a ni, a ti.
Geology & Mining hian tunah hian officers leh staff 70 chuang a nei mek a, national leh international company/agency 9 nen thuthlung siamin oil leh gas zawn hna an thawk mek a ni. Minor leh Major (Mineral Sector) atangin chhiah vaibelchhe 3 chuang kum kal ta khan an chhunglut tawh bawk a ni.
