Mizoram Chief Secretary Pu Vanhela Pachuau chuan State chhunga pawikhawihna chi hrang hrang do tur leh hengin a kaihhnawih hmuh theih leh hmuh theih loh thlenga thianfai tur hian sorkar leh khawtlang an thawhho that lehzual a pawimawh a ti.

Thawhtanni kalta March 30, 2009 a Mizoram University-a State Level Training-a thu a sawiah Chief Secretary chuan sualdo kawnga tangkai thei tur tarining pawimawh tak buatsaih chuan rah tha a chhuah ngei a beisei a, training chhimtute duhsakna a hlan a ni.

He State Level Training on Social Defence hi Deptt. of Social Work, MZU leh National Institute of Social Defence, Ministry of Social Justice & Empowerment tangkawp buatsaih a ni a. MZU Vice Chancellor Prof. A.N. Rai chuan hawnna thuchah a sawi a. Registrar Pu Benjamin-an seminar chhimtute lawmna thu a sawi thung.

He training hi vawiin tlailam khan tluang taka zawhfel a ni.