3392/2022-2023

Aizawl 27th January 2023: Vawiin chawhnu khan G20 Business meeting Chief Co-ordinator Pu Harsh Vardhan Shringla team members ten MZU ah spot inspection an nei.

G20 meeting, March ni 2, 2023 a neih turah hian MZU Auditorium leh Multipurpose Hall chu Mizoram bik atana main venue ah ruat a ni a, vawiin khan Pu Harsh Vardhan Shringla, G20 Business meeting Chief Co-ordinator team members te chuan a hmunah inspection an nei. 

Chief Co-ordinator team members te chuan G20 Business meeting felfai taka hman a nih theihna atana MZU Auditorium leh Multipurpose Hall a thil tul leh pawimawhte a hmunah enfiahin, Mizoram sawrkar Tourism Principal Secretary Pi Manisha Saxena, Home Commissioner Pu H Lalengmawia, Tourism Secretary Pi Esther Lalruatkimi leh Department thenkhata hotuten team members te hi an tawiawm a ni.