Mizoram sorkarin thingphun leh ramngaw ven zel a ngaih  pawimawh avangin Green Mizoram Day kum tin a hmang thin a. Chumi zulzui chuan New Secretariat Complex, Aizawl pawh hi tun hmaa ram phul hmun leh thing pawh awm mang lo ram kha sorkarin thingte phun a, thing awm sate nasa zawka humhalh a tum a. Vawiinah pawh he hmalakna chhunzawmin General Administration Department chuan an Commissioner Pu Zothankhuma, IAS hovin thing engemawzat an phun a, heng zingah hian thing rah chi thing chi hrang hrangte pawh phun tel a ni a. Heng thingphunte hi uluk taka enkawl chhoh tum a ni ang a, New Secretariat Complex tihring leh timawi tura ruahman a ni.