No.7506/2020-2021
Khawzawl DC Office lehkha No.J.12019/17/2021-DC(KZL)/
1. Entu mipui punkhawmna tel lo games & sports practice leh tournament neihnaahte chuan punkhawmna tur hmun (indoor)-a leng zat 50% emaw, mi 50 emaw, a tlem zawk zawk punkhawm phal a ni a. Pawn lama punkhawmna (outdoor)-ah erawh mi 100 thleng phal a ni.
2. Tournament huaihawt chungchangah hian Government of India, Ministry of Youth Affairs and Sports, Department of Sports-in kaihhruaina (SOP) a siam chu tha taka zawm tur a ni a. A bik takin a hnuai a tarlante hi
zawm ngei ngei tur a ni:
i) Infiamna hmun reng rengah infiammite leh a buaipuituten face mask an vuah tur a ni a, face mask hmang te chauh infiamna hmunah luhtir tur a ni.
ii) Infiamna hmun luhna turah hand sanitizer leh thermal screening neihnate a awm ngei tur a ni a. Infiammite leh a buaipuitute chuan
an infiam loh chhungin a khat tawkin sahbawn emaw, hand sanitizer hmangin emaw kut an sil reng tur a ni.
iii) Infiamna hmun leh insawizawina hmunah chil chhak khap tlat a ni.
iv) Infiamna hmun chu a khat tawkin 1% Sodium Hypochlorite solution hmanga kahfai thin tur a ni a, tui inna, kut silna, inbualna hmun leh inthiarna te chu fai taka enkawl tur a ni.
v) Sports hmanga inelna buatsaih a nih dawnin a buatsaihtute chuan infiammite tan Covid-19 Task Force an din ang a, SOP duansate chu infiammite hrilhfiahin, khauh takin an kengkawh tur a ni.
vi) Outdoor-a infiamna hmunahte chuan a hmuna leng zat chanve entu/mipui kal phal a ni.
vii) Infiamna hmun langsar laiah Covid-19 invenna chungchang posters/standees/AV media awmna tur hmun buatsaih tur a ni.
viii) Organizing committee-te chuan infiammite leh buaipuitute zingah damlo an awm thulhah an in report-na turin Covid Response Team an ruat tur a ni a, damlo hmun hrana phurhsawn ngai an awm chuan local health authorities be rawnin ruahmanna siam tur a ni.
