Ram pumah October ni 2, 2018 atang khan kum hnih chhung awh tur Hnampa Mahatma Gandhi piancham vawi 150 na lawmna chi hrang hrang Sawrkar laipui leh state sawrkar ten buatsaihin an kalpui mek a. He lawmna denchhen hian Information & Public Relations Department chuan Gandhi chungchangah Short Film Competition a buatsaih dawn.

Film siam intihsiakna  hi Open niin film siam lama tui mi tupawhin an film siam te an thehlut thei dawn a. Gandhi tih ringawt chuan a huamzau dawn avangin a nuna thil thleng chungchangte emaw, a zirtirna chungchangte emaw, ram tana a hnathawh chungchangte emaw, zalenna sualna chungchangte emaw thlurbing deuh a film hi siam tur a ni ang. Film hi minute 15 leh minute 20 chhung awh a ni tur a ni. Film hi September ni 15 aia tlai lovah Information & Public Relations Department ah thehluh tur a ni ang.

Hetiang hian lawmman siam a ni; Pakhatna cheng 50,000, pahnihna cheng 30,000 leh pathumna cheng 15,000.