2333/2024-2025

Aizawl, the 2^nd October 2024 : Vawiin hi India Hnam Pa tia koh leh hriat – Mahatma Gandhi a pianchamphaphak vawi 155-na a ni a. Hemi ni pualin tukin zing dar 7:30 AM khan Governor Shri Indra Sena Reddy Nallu bakah Mizoram Sawrkar mi pawimawh engemaw zat in PUC Campus, College Veng a, Gandhi a lim ah pangpar dahin zahna an lantir a ni. Zahna lantir zingah Mizoram Legislative Assembly Speaker Pu Lalbiakzama; Minister panga – Pu Vanlalhlana, Pu C Lalsawivunga, Dr. Vanlalthlana, Pu Lalthansanga, Prof. Lalnilawma leh Assembly Deputy Speaker Pu Lalfamkima te an tel a. Anni bakah Chief Secretary Dr. Renu Sharma leh Sawrkar hotulu dangte pawhin he hunah hian zahna an lantir bawk a ni.

Programme zawh hian Governor chuan Cleanliness Drive – Swachhata hi Seva pualin Shramdaan (tual tihfai) a ti nghal bawk a ni.

Gandhi a piancham October ni 2 hi United Nations in kum 2005 khan International Day of Non-Violence ah a lo puang tawh nghe nghe a ni.