Hmarchhak enkawltu IOC Ltd. Genral Manager Pu A.Pandian chuan tun hnai mai khan hmarchhak pum huapin Truck dirver ten ni 3 zet narhna an huaihawt avangin gas semchhuah kawngah harsatna an tawh thu a sawi a. Tunah erawh chuan he harsatna phuhru tur hian Pathianni leh chawlh ni pawh sawi lovin an Company mi leh sa te chuan theihtawp an chhuahzui leh tawh a ti a. Gas siamchhuah hna pawh ngawrh leh zuala kalpui a nih avangin Mizoram tana an thawnchhuah tur pawh tluang taka a kal theih a rinthu a sawi a, rokhawlhna hranpain a tlakbuak loh chuan Mizote hunpui Krismas leh Kumthar laiin harsatna a awm lovang, a ti.
General Manager chuan Mizoram chhungah oil pawlh dal a hluar bik lutuk chu pawi a tih thu sawiin state leh hnam ang pawha mualphona hialah a ngai a, hemi tireh tura mipui leh sorkar hial pawh an tan tlan a duh thu sawiin an company pawhin hemi tireh tur hian nasa leh zualin tan lak a tum a ni, a ti.
Sairang rel chawlh hmun buatsaih tum mekah pawh tuialhthei pekchhuahna hmun siam an tum thu sawiin Pu Pandian chuan sorkar laipui remtihna hmuh a nih veleh cheng vaibelchhe 30 zet senga bul an tan tur thu leh chu chuan tualchhung mite tan inhlawhna leh eizawnna tling hna a pek tur thu a tarlang. Thingtlang hmun kilkhawr zawkah pawh Rajiv Gandhi Gramin Vidherak tan a nih tur thu a sawi a, he ruahmanna hnuaiah hian heng hmuna awmte tan gas awlsam zawka pekchhuah theihna tur buatsaih a ni dawn a ni, a ti.
Sairang rel chawlh hmun buatsaih tum mekah pawh tuialhthei pekchhuahna hmun siam an tum thu sawiin Pu Pandian chuan sorkar laipui remtihna hmuh a nih veleh cheng vaibelchhe 30 zet senga bul an tan tur thu leh chu chuan tualchhung mite tan inhlawhna leh eizawnna tling hna a pek tur thu a tarlang. Thingtlang hmun kilkhawr zawkah pawh Rajiv Gandhi Gramin Vidherak tan a nih tur thu a sawi a, he ruahmanna hnuaiah hian heng hmuna awmte tan gas awlsam zawka pekchhuah theihna tur buatsaih a ni dawn a ni, a ti.
