India ram chhunga company lian deuh deuhte hian mipui mimir tan chhenfakawmna thui tak an nei thin a, mipui vantlang mamawh pawh thil phal takin an ruahman thin. India Oil Company (IOC) Ltd. pawhin tunhnai khan Mizoram Hmeithai Association (MHA) te hnenah an hman tangkai atan TATA Sumo Ambulance an pe a, hemi hlanna pual inkhawm buatsaih chu Mizoram Governor Lt.Gen.(Rtd) M.M.Lakhera chuan vawiin chawhma khan MHA Residential School, Zonuam-ah a hmanpui. Chief Minister nupui Pi Lal Riliani pawh Khual Zahawm chan changin he hunah hian a tel ve.
Governor chuan a ngenna tihlawhtlingtu IOC te chungah a lawmthu sawiin he ambulance hi tangkai taka mi chanhai leh mamawh ten an hman a beisei thu a tarlang a. Hetianga thilpek hlu tak enkawl zui zel hi a hautak hle dawn a, chuvangin MHA te chu senso tul ang ngaihtuah thiam turin a chah.
Khual Zahawm, Indian Society for Tobacco & Health, Mizoram Chapter President, Pi Lal Riliani pawhin IOC leh MHA te chungah lawmthu a sawi a. Mizoram Hmeithai Association te chu naupang chanhai leh mi retheite tana thawktu tlawmngai pawl tangkai tak an ni tiin 1998 atanga 2005 chhung pawh khan a thlawna inentirna vawi duai lo an buatsaih thin a, hetianga thilpek hlu tak ambulance hial an dawng ta chu an hman tangkai ngei a beisei thu a sawi a ni. Sum harsatna avanga MHA ten hmeichhe naupang te hmakhua chauh an thawh mek thu sawi chhuakin Boys’ Hostel din theihna turin IOC thuneitute a ngensak bawk. Mizote zingah pasal sun hmeithai tam ber te chuan khawhar hnem nan zuk lek hmuam an ching thin tiin Pi Lal Riliani chuan hei hian mihringte chungah natna leh thil tha lo bak engmah thlen a nei lo zawk a ni, a ti.
IOC hmarchhak bialtu Pu A. Pandian, General Manager, NEISO, IOC chuan 1950 atang daih tawhin Mizoramah bul an tan tawh thu leh 1970 atangin ei rawngbawlna gas an pek tan thu a sawi a. Tunah hian LPG leh khawnvartuiah phei chuan Mizorama Oil Company awmchhun a ni, a ti. IOC Ltd chu 30 June 1959-a din tan a ni a, kumin an Golden Jubilee kuma an hlawkna atanga mipui vantlang mamawh tur thilpek an hlan thei chu a chhinchhiah tlak hle thu a sawi bawk.
Inkhawmah hian MHA President Pi Veronica K. Zatluangi chuan lawmthu sawiin hun hnuhnung a khar a ni. Mizoram Hmeithai Association hian hmeithai leh an fate chhawmdawl kawngah theihtawpin khawtlang rawng an bawl thin a. Kum 1995 atangin Rashtriya Gramin Vikas Nidhi hnuaiah hmeithai 168 te hnenah vawkvulh loan pek a ni tawh a, kum 1996 khan Pi Sonia Gandhi chuan kum 2 chhung puanthui leh typing zirna bul a tan sak tawh bawk. Ministry of Tribal Affairs, GOI te nen tangkawpin 1998 - 2005 chhung khan Mizoram hmun hrang hranga a thlawna damlo entirna an buatsaih a. Hemi tumah hian damlo mi 11000 te inentir niin thingtlang hmun kilkhawr tak tak atanga damlo mi 2500 lai Aizawl Civil Hospital-a enkawl tura hruai an ni. MHA Residential School, Zonuam-ah hian hmeichhe naupang chanhai 120 lai an enkawl mek bawk.
Khual Zahawm, Indian Society for Tobacco & Health, Mizoram Chapter President, Pi Lal Riliani pawhin IOC leh MHA te chungah lawmthu a sawi a. Mizoram Hmeithai Association te chu naupang chanhai leh mi retheite tana thawktu tlawmngai pawl tangkai tak an ni tiin 1998 atanga 2005 chhung pawh khan a thlawna inentirna vawi duai lo an buatsaih thin a, hetianga thilpek hlu tak ambulance hial an dawng ta chu an hman tangkai ngei a beisei thu a sawi a ni. Sum harsatna avanga MHA ten hmeichhe naupang te hmakhua chauh an thawh mek thu sawi chhuakin Boys’ Hostel din theihna turin IOC thuneitute a ngensak bawk. Mizote zingah pasal sun hmeithai tam ber te chuan khawhar hnem nan zuk lek hmuam an ching thin tiin Pi Lal Riliani chuan hei hian mihringte chungah natna leh thil tha lo bak engmah thlen a nei lo zawk a ni, a ti.
IOC hmarchhak bialtu Pu A. Pandian, General Manager, NEISO, IOC chuan 1950 atang daih tawhin Mizoramah bul an tan tawh thu leh 1970 atangin ei rawngbawlna gas an pek tan thu a sawi a. Tunah hian LPG leh khawnvartuiah phei chuan Mizorama Oil Company awmchhun a ni, a ti. IOC Ltd chu 30 June 1959-a din tan a ni a, kumin an Golden Jubilee kuma an hlawkna atanga mipui vantlang mamawh tur thilpek an hlan thei chu a chhinchhiah tlak hle thu a sawi bawk.
Inkhawmah hian MHA President Pi Veronica K. Zatluangi chuan lawmthu sawiin hun hnuhnung a khar a ni. Mizoram Hmeithai Association hian hmeithai leh an fate chhawmdawl kawngah theihtawpin khawtlang rawng an bawl thin a. Kum 1995 atangin Rashtriya Gramin Vikas Nidhi hnuaiah hmeithai 168 te hnenah vawkvulh loan pek a ni tawh a, kum 1996 khan Pi Sonia Gandhi chuan kum 2 chhung puanthui leh typing zirna bul a tan sak tawh bawk. Ministry of Tribal Affairs, GOI te nen tangkawpin 1998 - 2005 chhung khan Mizoram hmun hrang hranga a thlawna damlo entirna an buatsaih a. Hemi tumah hian damlo mi 11000 te inentir niin thingtlang hmun kilkhawr tak tak atanga damlo mi 2500 lai Aizawl Civil Hospital-a enkawl tura hruai an ni. MHA Residential School, Zonuam-ah hian hmeichhe naupang chanhai 120 lai an enkawl mek bawk.
Attachment
- Loading attachment...
