Nimin September 2, 2016 (Zirtawpni) khan FCS & CA Minister Pu John Rotluangliana’n Mizoram House ah,  Silchar IOC hotute LPG supply a harsatna sutkian dan chung changah a kawm a. Silchar-ah hian India ram hmun dangte ang bawka Trade Union bandh a awm avangin IOC hotute hi Mizoram House ah kawmin chawhlui a buatsaih sak nghal a ni.

Tun kum kalta chhova harsatna lutuk awm lova Mizorama LPG leh POL min rawn pek avang tein lawm thu a hrilh a. Gas dealer a bik takin District Hqrs ah tam zawk rawn dah turin a ngen a. Thla hmasa lama Gas  harsatna chung chang a zawt fiah bawk.

IOC lam hotute pawhin ti ti na hun tha an neih theih avangin lawm thu an sawi a. Thla hmasa a Carrying Contractor ten harsatna an siam vang a ni an ti. Dealer dah belh chung chang chu an zir chian mek thu an sawi a, a theihna hmunah chuan rawn dah bel an tum thu an sawi. A phur tur Motor lian an rawih belh tawh a, tha taka mipui mamawh rawn pek zel an tum a. Mizoram chuan LPG tam zawk an dawng tawh ang an ti a ni.

Inkawm khawmna ah hian  Shri JK Brhahma, Sr. Area Manager LPG, RK Mohen Singh Sr. Retail Sales Manager IOC, Prahlad Buragohain, POL Sales Manager te bakah Mizoram rawn bial tur Martin Gangte leh Suman  Biswas te an tel.