1516/2023-2024

Aizawl, 15th August, 2023 : India ram tana ni pawimawh tak Independence Day vawi 77-na chu tukin August ni 15, 2023 (Thawhlehni) zing dar 8 khan Gauhati High Court, Aizawl Bench-ah lawm a ni a. Justice Michael Zothankhuma, Judge, Gauhati High Court in Hnam Puanzar pawt parhin 225 Battalion CRPF ten hnam puanzar chibai an buk a ni.

He ni pawimawh tak lawmna ah hian Justice Marli Vankung, Judge, Gauhati High Court pawh a tel a. Pu Joel Joseph Denga, Registrar, Gauhati High Court, Aizawl Bench bakah Aizawl Bench-a Registry Officers leh Officials-te, Member Secretary, Mizoram State Legal Services Authority te, Aizawl District Court-a Judges-te, Additional Advocate General Mizoram, Mizoram Bar Association hruaitute bakah Ainawn Veng Local Council hruaitute leh khawtlang mi engemawzat an tel bawk a ni.

He hun hmanpui tura a bik taka sawm Govt. Primary School, Ainawn Veng te, Special Blind School te, Gan Sabra Home ten an tel bawk.