1515/2023-2024

Dated Serchhip, the 15th August, 2023: Vawiin khan Thenzawl, Lothazawl Field-ah SDO (Civil) Pi Rebecca Laldinmawii Hrahsel hovin India Independence Day vawi 77-na lawm a ni.

Khuallian Pi Rebecca chuan parade contingent 15 te hnam puanzar chibaibuk a chhang let a. Independence Day thuchah sawiin Thenzawl khaw chhunga sawrkar hmalakna hrang hrang te a tarlang a ni.

Thenzawla India Independence Day lawmna program ah hian parade contingent 15- armed contingent pakhat, unarmed mahila (hmeichhia) contingent pakhat leh school contingent 13 an awm a. Khuallian hian parade contingent titha pathum te hnenah lawmman a sem a ni.

Thenzawlah hian Union Home Minister’s Medal for excellence in Police Training (2020-2021) dawngtu Hav. F. Zohmangaiha leh Hav. Lalrinkima; Union Home Minister’s Medal for excellence in Police Training (2021-2022) dawngtu Inspr. H. Lalsangzuala leh SI. (AB) Shanti Moni Chakma bakah DGP’s Commendation (2022) dawngtu SI. Daniel Ramhluna, ASI. John Lalfakzuala leh Hav. Lalduhkima te hnenah khuallian hian lawmman a hlan a ni.