No.3818/2021-2022

Aizawl the 26th January, 2022 : India ram in mahni inrelbawla, mahni puala siam dan a neih vawi 73-na ‘India Republic Day’ chu tukin January 26, 2022 (Nilaini) zing dar 8 khan Gauhati High Court, Aizawl Bench ah lawm a ni a. Hon’ble Mr. Justice Michael Zothankhuma, Judge, Gauhati High Court in hnam puanzar a pawtpharh a, 225 Battalion CRPF ten hnam puanzar chibai an buk a ni.

He ni pawimawh tak hi Hon’ble Mr. Justice Nelson Sailo, Judge, Gauhati High Court leh Hon’ble Mrs. Justice Marli Vankung, Judge, Gauhati High Court ten an hmanpui thei a. Tin, Pu Joel Joseph Denga, Registrar, Gauhati High Court, Aizawl Bench bakah Aizawl Bench a Registry Officers leh Staff te, Mizoram Judicial Officers te, Mizoram Bar Association hruaitu te, Sawrkar Advocates te leh veng mi engemaw zah an tel a ni. He hun hmanpui tura abik taka sawm Hermon Children’s Home te, Special Blind School te, Gan Sabra Home te leh Old Age Home aiawh ten an tel pui bawk.