No.3820/2021-2022
Aizawl 26th January, 2022 : Ramchhung hmundangte rualin vawiin khan India Republic Day vawi 73-na chu Mamit DC Complex-ah hman a ni a. Dr. Lalrozama, IAS, District Bawrhsap chuan khuallian niin hnam puanzar a pawtpharh.
Khuallian chuan Mamit District mipui zawng zawngte Republic Day leh kumthar chibai bukin duhsakna a hlan a. Mipuite duhthusam leh beisei anga mitin intluktlanna, zalenna, inunauna leh inpumkhatna ram ni tura India ramin mahnia inrelbawlna a neih theihna tura ram danpui lo duang chhuaktu ram hruaitu hmasate zahna chibai bukin, kan ram ro inrelna kalphung leh a hlutnate humhim a, tichak deuh deuh tura kan rilrute siamthar a, inpekna rilru thar nen hmalam pan turin District mipuite a sawm.
Khuallian chuan India ramin kawng hrang hranga hma a sawn mek laiin kan District pawhin hmasawnna hmel thar kan hmu mek zel a. Hmasawnna kawnga ke pen zel tura department hrang hrang kaltlanga hmalakna te tarlangin.
1. AGRICULTURE DEPARTMENT
1. PKVY (Paramparagat Krishi Vikas Yojana):- He Scheme hnuaiah hian Cluster panga (5) ah Organic Farming, loneitu 200 te'n an kalpui mek a, Rajma, Bird Eye Chili, etc. an ching a ni.
2. Sub- Mission on Agro Forestry (SMAF) Scheme atangin chhungkaw 200 hnenah thingtiak (tree crop) phun turin a thlawnin semchhuah a ni.
3. Rainfed Area Development (RAD):- He scheme hnuai atang hian loneitute tan Livestock Integrated Farming System 447 Hactare a zauah loneitu 328 te'n Vaiphei Ram, Kanghmun, Luangpawl, Mamitah leh Sihlui ram, Damdiaiah an kalpui a. Beneficiaries te hi Integrated Farming System-ah training pek an ni a, bul tanna turin Fishery, Livestock leh Horticulture Based Farming System hnuaia awmte tan Rs. 25,000/- per hectare tanpuina pek an ni a, Apiculture (Khuai khawi) hnuaia awmte chu Rs. 20,000/- per hectare pek an ni a, Agroforestry Based Farming hnuaia awm te tan Rs.15,000/- per hactare a pek an ni bawk.
4. Oil Palm: Kum 2021-22 chhungin Oil Palm chi 2920 semchhuah a ni a, Oil Palm rah (FFB) 1958.519 MT tharchhuah a ni, hei hi Rs.107,71,854.50/- man a ni. Hei bakah hian Link Road, Water Harvesting Structure, Culvert te siam a nih bakah a lawhna hmanrua Aluminium ladder leh Sickle (favah) te Oil Palm chingtute hnenah semchhuah a ni bawk.
5. Rural Infrastructure Development Fund(RIDF) : Rural Infrastructure Development Fund (NABARD) hnuaiah Land Development khaw panga (5); Chumte zau Lungphun, Suangkuang & Suangsau Mamit, Zaupui zau Suarhliap, Aivapui zau Phuldungsei, Zawlpui zau & Tlawngte zau Zawlnuamah te hian 50 Hactare thawh a ni.
6. National Food Security Mission (NFSM) : NFSM Rice hnuaiah 15 Hactare a zauah System of Rice Intensification (SRI), Line Transplanting leh Direct Seeded hmangin buh chintir a ni a, 2.5 Hactare a zauah Hybrid Rice chintir a ni bawk a. NFSM Pulses hnuaiah loneitu 13 te chu 8 Hactare a zauah chintir mek an ni a, hei bakah hian NFSM oilseeds hnuaiah 62 Ha. a zauah loneitute chu Tel Antam te chin tir mek bawk an ni bawk.
FOCUS hnuaiah Vaimim chi tha (var: Suraj 251) quintal 9, khaw 14-ah chhungkaw 167 te hnenah sem a ni a, a chinna hmun zau zawng hi avaiin hactare 41.75 a ni. Thlai chi hrang hrang Balhla, Lakhuihthei, Thingfanghma, Khanghu, Phuihnam, Zawngtah leh Theihai te hi lo neitu chhungkaw 602 hnenah an enkawl zui turin sem a ni a. Bekang quintal 50 (local variety) chu khaw 6-ah Vaimim chingtu chhungkaw 50 hnenah thlai hmasa chhunzawm vat nan sem a ni. An chinna hmun zau zawng hi avaiin hactare 12.5 a ni. Tlangram buh (MZ UPR Series) quintal 70, khaw 7-ah chhungkaw 70 te hnenah pek niin Phaibuh (RCM 10) quintal 11 leh (RCM 13) quintal 4.40 te chu chhungkaw 90 hnenah sem a ni. Hei bakah hian lei tihthatna Chinai thi Quintal 300,khaw 13 a chhungkaw 100 hnenah quintal 3 theuha sem a ni.
Horticulture hnuaiah
Kuhva tiak khaw 65-ah chhungkaw 1020 te hnenah tiak 500 theuhin sem a ni a. Dragon fruit chinna hmun tih zauhna turin khaw 2 ah chhungkaw 30 te hnenah Dragon fruit tiak 600 theuhin sem a ni bawk. Mizo Hmarchate khaw pali (4) -ah loneitu chhungkua 114 hnenah kg 5 theuha sem niin Sawhthing chi (local variety) khaw 5-ah chhungkaw 325 te hnenah kg 150 theuha sem a ni bawk.
Land Resource Soil & Water Conservation hnuaiah Changkham tanpuina khaw 29 a loneitu chhungkaw 400 te hnenah pek a ni a. Mamit district chhunga Nursery 18 te tanpuina pek an ni bawk. Tuihna venhimna turin khaw 16-ah tuidah khawlna hmun 19 -ah siam a ni a. Tuidah khawlna leh semdarhna (WRC/TRC tan) Phaizawl leilet leh terrace chawmna turin khaw 34-ah tui dahkhawlna leh a sem darhna siam a ni. Ram nghet nei lote tanpui nan chang kham tanpuina chhungkaw 75 te hnenah Rs. 2125/- theuh sem an ni a. Ram nghet nei lo tan bench terrace hac 5 a zau Nalzawl khuaah laih a ni. Hei bakah hian ram nghet nei lo tan tuidawn khawlna leh tui pekna lam tanpui nan khaw pakua (9)-ah tui dahkhawlna pek an ni.
2. DEPUTY COMMISSIONER’S OFFICE, DISASTER MANAGEMENT & REHABILITATION
Mamit District chhungah Covid-19 hrivei 815 (active case as on 25.01.2022) an awm mek a. Hri darh zel tur ven nan Medical team leh VLTF te’n hma lain beihpuithlak mek zel a ni. Mizoram Sawrkar atanga thuchhuah angin District chhunga hman tur inkaihhruaina siam thin a ni a, heng inkaihhruaina te hi District mipuite’n an zawm tha hle bawk a ni. Tunkar chhung hian ‘Covid-19 No Tolerance Week’ hman mek a ni a, hei hi mipuite leh Covid-19 donna kawnga thawktute'n nasa zawka tan lak ngaihzia hre tharin, theihtawpchhuaha hma la zel turin a ngen nghal bawk. Kum 2021 chhungin Mamit District-ah Covid-19 avanga boral mi 14 an awm a, heng mite hi ex-gratia Rs. 50,000/- (Singnga) theuh pek an ni a. Tun dinhmunah hian Mamit District chhungah Dedicated Covid Health Centre (DCHC)- 1, Covid Care Centre (CCC)- 8 leh Community Covid Care Centre (CCCC)- 31 a awm mek bawk a ni. Ram kang avangin loneitu 41 te zangnadawmna pek an ni a, thlam 10 a kang bawk. In kang 10 awmin, thawmhnaw leh bungraw chuh hmanloh chhungkaw 6 an awm bawk. Leimin avanga harsatna tawk chhungkaw 16 an awm a, tui lian avanga harsatna tawk chhungkaw 7 awmin, rial tla leh thlipui avangin harsatna tawk chhungkaw khat an awm bawk a ni.
Kum 2021 chhungin Mamit District chhungah ILP Temporary 1,860 pekchhuah a ni a, ILP Permanent 169 pekchhuah bawk a ni. Heng atanga sum hmuh zat chu:
ILP Temporary - Rs.1,86,000/-, ILP Regular 169 - Rs. 3,44,410/-
Total - Rs. 5,30,410/-
Mamit District chhunga Common Service Centres 41 atangin ST Certificate- 2081, Residential Certificate- 2395 leh Income Certificate- 3597 pekchhuah a ni a, Mamit DC Office atangin ST Certificate - 316, Residential Certificate- 280, Income Certificate- 444, Death Certificate - 10 leh Birth Certificate - 81 pekchhuah a ni.Tax Exemption Certificate - 15 pekchhuah a ni bawk. Ni 01.01.2022-a kum 18 tling tharte chhiar telin, Mamit District chhunga voters awm zat chu 70,861 a ni a, mipa- 35,860 leh hmeichhia 35,001 an awm a ni. Electoral Roll, 2021 a belh leh paih tur tihfel hnuah, Electoral Roll, 2022 buatsaihah voters punna zat hi 1520 a ni.
3. ASPIRATIONAL DISTRICT PROGRAMME hnuaiah NITI Aayog hmalaknain India rama District hnufual khaichhuah ngai (Aspirational District) 115 a thlan chhuah zingah Mizoram atangin Mamit District kan tel ve a. Heng District thlan chhuahte hi tehna chi hrang 5 (panga) “Health & Nutrition, Education, Agriculture & Water Resources, Basic Infrastructure leh Financial Inclusion & Skill Development” hmangin thlatin department hrang hrangte hnathawh dan endik a, khaikhin thin a ni. Aspirational District Programme (ADP) hi Mamit District-ah kalpui a nih atang hian hma a sawnin, tehna chi hrang hrangah te pawh lawmman hengte hi dawn a ni.
1st rank in Education Sector in April 2019
2nd rank in Health & Nutrition in October 2019
7th rank in Financial Inclusion & Skill Development in October 2019
2nd rank in Delta ranking (Overall performance) in October 2019
1st rank in on Agriculture & Water Resources in January 2020
5th rank in Delta ranking (Overall performance) in January 2020
2nd rank in Health & Nutrition in October 2019 & July 2020
3rd rank in Delta ranking (Overall performance) in July 2020
1st rank in Basic Infrastructure Sector in October 2020
4th rank in Health and Nutrition in October 2020
3rd rank in Delta ranking (Overall performance) in October 2020
14th rank in Financial Inclusion & Skill Development in August 2021
10th rank in Basic Infrastructure in September 2021
ADP overall performance a that avangin NITI Aayog chuan Rs. 3 crore chu DC Mamit a hlan a, ICDS, Women and Child Development, Social Welfare Department leh Public Health Engineering Department-te hnenah (1.5 crore) ve ve pein, Anganwadi Centre leh naupang hriselna kawnga hmlakna atan ICDS hian an hmang mek a. PHE Deptt. hian District-in tui kan hnianghnar theih zawkna atan leh tuihna humhalh kawnga hmalakna atan an hmang bawk a ni. Tun aia hmasawnna a lo chak theih nan tanpuina North Eastern Council, Bru Development Plan leh Corporate Social Responsibility (CSR) Fund hi heng REC Ltd. leh Hero Motocorp atangtein Mamit District hian dawn a ni a, heng sumfai leh thilpek hmang hian hriselna lama hma kan sawn theih nan hmasawnna ruhrel (infrastructure) tih changtlun te, damdawi leh hriselna lama mamawh khawl lei nan leh Sub Centre leh Staff quarters sak nan te hman a ni. Heng bakah hian nu naupai leh naupangte'n chaw tha leh enkawlna tha an dawn theih nan hmalak mek zel a ni bawk. Tin, zirna lam tihchangtlun nan building sak leh zirna atan a mamawh chi hrang hrangte lei niin, naupang chauh ni loin puitling ziak leh chhiar thiamlote zirtirna pekna lamah hmalak mek bawk a ni.
4. AH & VETY DEPARTMENT hnuaiah hmasawnna hmuh tur awm chho mekin Veterinary Hospital thar nuai 85 man a sak District A.H & Vety Hospital chu sak zawh tawh niin, ni 9 November, 2021 khan Veterinary Minister Dr. K. Beichhua’n a hawng a. Vawk pa vulhna tur leh a chi lakna tur cheng nuai 30 man chu sak zawh tawh niin, tunah hian Vety Doctor 1, Lab Technician 1 leh Attendant 1 te an awm. 5 KVA Solar Power Plant chu Boar Semen Station, Mamit A.H & Vety Farm-ah dah tawh a ni a. Tin, Rural Animal Health Centre, Kanghmun khuaah dah tel bawk niin, hei hi Satellite Boar Semen Station atana tih a ni. Focus hnuaia Progressive Farmer Vawk In sakna Mamit District chhungah mi 8 thlan an ni a, chungte chu Vawk Insak sak an ni. Vawk In sak nan hian mi 1 pakhat hnenah Rs. 1,53,500/- zel pek an ni a, mi 8 Vawk In sak nan hian Rs. 12,28,000/- hman a ni.15 Days Skill Development Training on Pig for Migrated Worker te tan Ni 2 November 2021 atanga ni 16 November 2021 chhung khan Mamit District chhunga migrated worker mi 20 tan MYC (Mizoram Youth Commission) nen tangkawpin, ni 15 chhung Vawk vulh dan training hlawhtling taka neih a ni. A.H & Vety Poultry farm atang hian April 2021-November 2021 thleng Ar note 210, Ar la 182 leh Artui 6,503 hralhchhuah a ni. July 2020 atanga July 2021 chhunga Vety Hospital-a case lut zawng zawng zat hi 22,845 a ni a, Vaccination pek zat hi 11,735 niin, tun hun thlenga Revenue chhun zat chu Rs. 3,10,000/- a ni.
5. FISHERIES DEPARTMENT hnuaiah Socio Economic Development Plan (SEDP) kaltlangin Mamit District chhungah sangha chi (Indian Major Carp leh Exotic Carp inpawlh) 7,00,000 sangha dil neite hnenah tanpuina (70% subsidized) a sem a ni. Pradhan Mantri Matsya Sampada Yojana (PMMSY) kaltlangin Sangha note siam chhuahna (Fish Seed Hatchery) atan Nuai 15 hmuh a ni a. Saithah khuaah May 2021 khan siam zawh tawh niin, hman theihin a awm tawh a ni.
6. LAND RESOURCES, SOIL & WATER CONSERVATION DEPARTMENT,
NABARD funding atangin Private Rubber Plantation Rengdil leh Kanghmun khuaah te thawh mek a ni a. Sorkar Flagship Programme SEDP atangin beneficiary 62 te hnenah Kuhva chinna atan Rs. 25,000/- theuh pek an ni a, Kuhva tiak 1300 Nos. theuh pek an ni bawk.
7. SERICULTURE DEPARTMENT chuan North Eastern Regional Textile Promotion Scheme Project (NERTPS) hnuaiah ‘Eri Development Project for Aspirational District Mamit’ hmangin hnathawh mek a ni a. He Project hnuaiah hian khaw 14-ah hmalakna kalpuiin, beneficiaries 500 an awm. He Project hnuaiah hian kum 2021 chhungin Mamit Sericulture farmer te chuan Eri la (cut cocoon) kg 348.768 leh a chi tur 239834 an thar a, chu chu Rs. 2,16,632/- man a ni. Kum 2021 Best farmer award, kuthnathawktute inel nan leh fuihthar nan siam a ni bawk.
8. HORTICULTURE DEPARTMENT hnuaiah Mission for Integrated Development of Horticulture (MIDH) kaltlangin hmasawnna hmuh a ni a. District chhunga Department hmasawnna tam tak hi MIDH hnuai ani niin he programme kaltlang hian Area Expansion scheme of Dragon Fruit, Area Expansion scheme of Papaya, Area Expansion scheme of Banana, Rejuvenation of Senile Plantation of M.Orange, Area Expansion scheme of Other Fruit crops, Area Expansion scheme of Spices-ah te hmalakna kalpui mek zel a ni. PRADHAN MANTRI KRISHI SINCHAYEE YOJANA(PMKSY): PMKSY - Per drop more crop scheme hnuaiah huan neitute hnenah drip leh sprinkler irrigation system siamsak thin a ni a, beneficiaries 60 te hnenah installation tihsak an ni tawh bawk. Bamboo Development Project In Mizoram Under NEC project hnuaiah cluster cultivation of bamboo kalpui a ni a, hectare 122 a zau niin, khaw paruk (Damdiai, Vawngawnzo, Nalzawl, Dampui, W.Phaileng & Kawrtethawveng) -ah cluster in beneficiaires 122 hnenah mau (Rawmi) chintir a ni. Mau tiak 400 theuh bakah huan samfaina, khur laihna leh leitha leina tur sum fai Rs. 30,000/- 1st installment atan beneficiary te account ah DBT in transfer a ni tawh bawk.
9.COOPERATIVE SOCIETIES hnuaiah Kum 2021-2022 chhungin Mamit District chhungah Cooperative Society function tha pangngai 87 an awm a. Pradhan Mantri Vandhan Yojana (PMVDY) hnuaiah Mamit District chhunga cooperative society 6 te chuan Phase 1-ah financial assistance Rs. 90 lakhs an dawng tawh a. Heng a hnuaia training te, plant leh machinery te bun nan te, Vandhan Vikas Kendra Cluster (VDVKC) paruk din nan te a hman a ni.
1. Reiek Vandhan Vikas Kendra Cluster (VDVKC) tan Turmeric Processing Machineries/Plant chu bun fel a ni tawh a, “Reiek Aieng” hi siam chhuah tan tawh a ni.
2. West Phaileng Vandhan Vikas Kendra Cluster (VDVKC) I leh II tana Mizo Ginger Powder leh Mizo Chilli Powder Processing Plant Machineries te chu bun fel tawh a ni a, Hmarcha leh Sawhthing te hmanga product siam turin lakkawm mek a ni.
3. Kuhva skop/Processing Plant leh Tuizem te chu khaw pathum Darlak, Tuidam leh Zawlnuam a cooperative society te hman turin siam zawh fel tawh a ni.
4. Kum 2021-2022 atan, Mamit District chhunga Cooperative Societies 12 te chu financial assistance PMVDY Phase II hnuaia dawng turin thlan an ni.
10. FOOD, CIVIL SUPPLY AND CONSUMER AFFAIRS DEPARTMENT te chuan National Food Security Act 2013, angin beneficiary te hnenah harsatna awm lovin buhfai tluang taka sem a ni a. Heng bakah hian Non-beneficiaries te tan National Food Security Act hnuaiah buhfai man tlawm zawkin pek tel an ni. COVID-19 hrileng mek vangin India Sorkar laipuiin a thlawnin buhfai a sem (i.e PMGKAY) chu April, 2020 atanga March, 2022 thleng a rawn ruahman a. Hei hi Department in hma lain, PMGKAY Scheme hnuaia NFSA beneficiaries te hnenah a thlawnin January, 2022 thleng semchhuah a ni. India Sawrkar laipuiin ruahmanna thar 'One Nation One Ration Card’ a duanchhuahah hian Aadhaar leh Ration Card thlunzawm hi tih ngei ngei tur a ni a. Tun dinhmuna Mamit District chhunga Aadhaar leh Ration Card thlunzawm tawh chu 94.31% a ni. DCSO Mamit hnuaiah hian Buhfai dahkhawlna tur Godown leh Staff Quarters pahnih theuh heng centre : Rengdil, Tuidam leh Pukzingah te sak a ni bawk.
11. UD&PA chuan Shelter for Urban Homeless (SUH) scheme kaltlanga khawpuia mi rethei, in leh lo nei lote chenna tur tha leh him zawk an neihna tura hmalakpui chu a tum ber niin, Lungsir Veng-ah Dharamsala Rs. 35 lakhs man chu sak mek a ni a. Dharamsala hi mi 20 thlen theihna tura ruahman niin Choka leh mutna hmun a awm a ni. Social Mobilisation and Institution Development (SM&ID) hnuaiah, Self Help Group (SHG) 59 din a ni tawh a, Revolving Fund atan Rs. 10,000/- theuh pek an ni. Mamitah hian Area Level Federation (ALF) 3 din a ni a, heng ALF te hian SHG 59 te hi an enkawl mek a ni. Skill Training Course chi hrang hrang, heng – Sahbawn siam, Chhang ur, Pickle siam, Paper bag siam leh Pa khawi zirtir an ni. Support to Urban Street Vendors (SUSV) hnuaiah kawtthlera dawr neite hamthatna tur ngaihtuahsak an ni a. An thil zawrhna tur hmun him leh thianghlim zawk siam sak a ni a, an hmasawnna tur training te buatsaih thin a ni. Tunah hian Street Vendors 109 te hnenah ID card pek tawh an ni. Employment through Skill Training & Placement (EST&P)FY 2020-2021 Skill Training beneficiaries 90 awmin, Baking Technician (30), Aakhta Saaz/ Paper Mache (30) leh Self Employed Tailor (30) te an ni. Heng Training Course te hi zawh vek tawh a ni a. Assessment pawh neih fel tawh a ni. Kum 2021-2022 atan hian Training course thar la kalpui a ni lo a, January 2022-ah Training course thar tan tum a ni. Self-Employed Programme (SEP) in a tum ber chu khawpui mi harsate'n eizawnna nghet an neih theih nana sum lama tanpui dan zawn a ni. F.Y. 2021-2022 chhung hian District Task Force Committee chuan mi 30 a thlang chhuak tawh a. Heng mite hi SBI, MRB leh MCAB ah te loan sanction turin thawn tawh a ni. Swach Bharat Mission hnuaiah Public Toilet/Community Toilet khawchhungah inthiarna thianghlim tak, veng tina awm tura ruahman a ni a. Mipui kawng sir emaw, hmun remchanga an inthiar mai thin hi tih reha.2020-2021 chhung hian Mamit khawchhunga Public Toilet te thuam that vek a ODF+ standard a inhlan kai tum a ni. Solid Waste Management (SWM) in a tum ber kan bawlhhlawhte tawihthei leh tawihtheilo thliar hran a, a thianghlim thei ang bera sawngbawl niin Mamit tan hian Solid Waste Management Center hmun hi Vaiza Ramah, 15,000 Sq.m (1.5 Hectare) a zau a awm a. Tunah hian land development hna zawh fel tawh niin Site Office leh Segregation Platform sak zawh tawh a ni bawk. He Solid Waste Management Centre hi a function vat theih nan hma lak mek a ni. Heng bakah hian Pradhan Mantri Awas Yojana – Housing For All (Urban) Credit Linked Subsidy Scheme (CLSS) khawpuia in leh lo nei lote tan Housing Loan a pung tlem zawkin pek a ni a. Mamit leh Zawlnuamah kalpui niin December 2021 thleng hian housing loan hi Mamit khawchhunga beneficiaries 85 hnenah sanction tawh a ni a, Zawlnuam khawchhunga beneficiaries 5 hnenah sanction tawh a ni bawk. Beneficiary Led Construction (BLC) hnuaiah khawpuia in leh lo nei lote tan in sak tanpuina Rs. 1.5 lakhs pek a ni a. He scheme hi Mamit leh Zawlnuamah kalpui mek a ni, Mamit tan beneficiaries 528 leh Zawlnuam tan beneficiaries 239 te pawmpui tawh a ni. Heng approved tawh atang hian 1st Installment hi Mamit beneficiaries 508 leh Zawlnuam beneficiaries 233 te hnenah December 2021 thleng khan pek tawh a ni a. Mamit leh Zawlnuam beneficiaries te tana 1st Installment pek zat hi Rs. 44,460,000/- a ni. Socio Economic Development Programme (SEDP) hnuaia hmalakna-ah Mamit Playground, Chhim Vengah hna thawh mek a ni a, Building leh side drain, Retaining Wall, Gallery, Pavilion te thawh tura ruahman a ni a. M/s Zamzo Engineering Construction & Consultancy, Bawngkawn te'n an thawk a. Mamit Town chhungah hna hrang hrang, PCC Flooring, Culvert, Retaining Wall, MUP House, Mini Sport Complex chei that te, YMA Hall chei that te leh Footpath te thawh a ni a, tunah hian 70% hna thawh tawh a ni. Zawlnuamah hna hrang hrang, PCC Flooring, Retaining wall, Culvert te thawh a ni a, tunah hian 95% vel thawh tawh a ni
12. CHIEF MEDICAL OFFICE (H&FW) hnuaiah Mamit District hriselna atan hmalak mek zel a ni a. Sub-Centre ti-a kan hriat thin kha Sawrkar laipui chuan Health & Wellness Centre-ah rawn thlak tawhin, tunah hian Mamit District chhungah Health & Wellness Sub-Center hi 31 kan nei mek a, Sub-centre dang hi Health & Wellness a thlak chhoh thuai tura hmalak a ni. B.Sc Nursing leh Health Worker an awm tawh bawk a, building te pawh sak zawh tawh leh sak lai mek engemaw zat a awm bawk a ni. Malaria dona lama hmalakna nasa taka kalpui a ni a, kum 2021 chhung khan malaria vei 956 awmin, thih pui mi 2 an awm a ni. Medical Mobile Unit te hian hmun harsa tak takah a thlawna inentirna buatsaihin, a thlawn vekin damdawi sem thin a ni bawk a. National Blindness Control Programme hnuaiah kum upate tan a thlawnin Tarmit 762 sem a ni. TB vei tihdam zat 92% ni mekin, kum 2021 chhungin TB vei mi 32 enkawl an ni. Tobacco programme hnuaia vaihlo nghei zat chu 27.68% a ni.
Mamit District hi District hnufual zing a mi a nih avangin, nu leh naupang hriselna kawngah nasa taka hmalak a ni a, nu naupai enkawlna leh damdawiin a nau piang an pung chho ve zel a, kum 2020-21 chhung khan damdawiin a nau piang 949 (65.4%) awmin April 2021-Nov 2022 chhung hian damdawi inah nau piang hi 611 (67.1%) a ni mek a ni.
Kum 2020 tir lam atanga COVID-19 hri a lo len atangin Mamit District-ah pawh tha thlah loin hmalakna kalpui char char a ni a, mi 58,774 sample-test neihsak tawh an ni a, COVID-19 vei mi 6080 hmuhchhuah an ni tawh a, COVID-19 avanga boral hi 14 an awm tawh bawk a ni. COVID-19 vaccine hi ni 19 January 2021 atang khan pek ni tawhin, hri danna dose 88,954 pekchhuah a ni tawh a, 1st dose hi mi 51,344 hnenah pek tawh niin second dose hi mi 36,510 hnenah pek a ni tawh bawk a ni. 4th January 2022 atang khan kum 15-17 inkar hnenah vaccine hi pek chhuah tan niin, mi 3033 hnenah pek an ni bawk.
DISTRICT MEDICAL SUPERINTENDENT (DISTRICT HOSPITAL) Labour Room zauh leh chei that (extension & renovation) niin, ni 22 March 2021 khan luah luh a ni. Hei hi Mizoram-a (Labour Room) LaQshya certified niin, a awm chhun a ni. National Level-a titha ber dinhmun Platinum badge dawn a ni nghe nghe. Hetih rual hian Hospital Female ward chu chei that leh siamthat nghal a ni bawk. Truenat Laboratory-a thawk tur hian dedicated staff - Laboratory Technician – 3, DEO – 1, Group D – 4 lak thar an ni a. Truenat laboratory atan Backup Generator 5-KVA Kirloskar dawn a ni bawk a ni. August 2021 khan Mamit District-ah DCHC chu PWD I.B Building-ah hawn thar leh a ni a. Heta thawk tur hian dedicated staff Doctor – 1, Staff Nurse – 1, Group – 2 te lak thar an ni. District Hospital compound leh a vel tih en nan solar street light/lamp -6 nos (six) April 2020 New Mamit V.C kaltlanga ruahmanna siam chu November 2021 khan bun (Installed) thar a ni a. Ni 15 October, 2021 khan PMCARES atangin 500 LPM Oxygen PSA Plant chu District Hospital, Mamitah bun a ni.
13. EDUCATION DEPARTMENT hnuaiah Samagra Shiksha te’n Literacy Survey September 2020 khan neih a ni a, puitling ziak leh chhiar thiam lo 5520 (1647 male & 3873 Female) hmuhchhuah an ni. Ziak leh chhiar zirtirtu turin Fulltime Worker 278 chhawr an ni a, Female litaracy hmalaknaah hian November 2021 thleng khan mi 1363 ziak leh chhiar thiamtir an ni tawh a ni. Padhna Likhna Abhyan (PLA) programme hnuaiah July leh September 2021 khan Basic Learning Assessment Test (BLAT) neih a ni a. Hetah hian mi 843 an pass a ni. Learning Outcomes National Achievement Survey a tehna subject hrang pali angin Samagra Shiksha Block then pali a thawktu turin Master Trainer 16 chhawr an ni. 20 K-YAN (Smart Classroom facilities) pilot project atan Upper Primary School 20-ah pek an ni. National Achievement Survey chu 9th November, 2021 khan neih a ni. School-in tui an lo hnianghnar zawk theih nan Water Tanky 144 (2000 Ltrs) chu school 144 ah pek a ni a. Zirlai naupangte'n tui thianghlim an dawn ngei theih nan Water filter 245 chu school 245 hnenah pek a ni bawk. Education Volunteer 50 chu naupang school kal lo tamna khua 22-ah chhawr an ni. Learning Material (Pencil, Exercisebook, Pencil Box), T Shirt, Shoes, Sock, naupang 472 te pek an ni. November 2021 thleng khan naupang school kal lo mi 149 te chu school pangngaiah kal tir an ni tawh. Child Tracking software siam niin hemi atan hian khawl (Computer & Peripherals) lei a ni a, DPO hnenah leh BRC (Block Resource Centre) paliah te dah a ni.
14. POWER AND ELECTRICITY DEPARTMENT
Mamit Power Division hnuaiah hian hna kal mek engemaw zat a awm a, chungte chu a scheme hming leh a sum sen ngai zat a hnuai ami ang hi a ni a, heng hna hrang hrangte hi thawh mek an ni :-
1. Zawlnuam 2.5MVA 33/11kV Sub-Station thar, 11kV Line thar, Low Tension Line thar leh Distribution Transformer sub-station thar engemawzat bun thar hna thawh mek a ni. Project pumpui hi Rs. 841.40 lakh man a ni.
2. Bairabi atanga West Phaileng Mamit kaltlanga 132kV single circuit line siam hna, Project Rs. 5495.00 lakh man chu NECS Funding hnuaiah thawh mek a ni.
3. West Phaileng leh Marpara hmunah te 2x12.5MVA,132/33kV Sub-Station siam hna leh heng Sub-Station pahnihte 132kV Line a thlunzawmna atan 132kV Line W.Phaileng to Marpara - 59km zet a thui North Eastern Region Power System Improvement Project (NERSIP) hnuaiah thawh mek a ni a. He project man hi Rs 10183.04 lakh a ni.
4. Mamit leh a chhehvel Power infrastructure tihchangtlun nan NESID Scheme hnuaiah 2x6.3MVA, 132/33kV Sub-Station thar bun hna Mamitah thawh mek a ni. Tin, 33kV Line thar Mamit leh Zawlnuam thlun zawm tur pawh thawh mek a ni a, project pumpui hi Rs. 4033.84 lakhs man a ni.
5. DDUGJY Scheme hnuaiah 33kV Rawpuichhip leh Zamuang Sub-Station thuam that hna thawh mek a ni bawk a, he scheme Rs. 227.05 lakhs man hi thawh zawh tawh a ni.
6. Assam-in ramri chungchangah min rawn nek fo avanga Diltlang Chuhvel Camp a, kan ramri ral ven buk (IR Camp) a, Power Supply pekna thawh mek a ni bawk. Thawh zawh thuai beisei a ni.
15. PUBLIC HEALTH ENGINEERING DEPARTMENT chuan Mamit District chhunga khaw 26 -ah Functional House Tap Connection (FHTC) 4183 te chu JJM hnuaiah siam zawh fel tawh a ni a, Thinghlun W.S.S Functional House Tap Connection ruahman zat 198 atangin in 63 ah zawh fel tawh a ni. Sanitation Under SBM (G) hnuaiah In 180 ah Individual Household Latrine (IHHL) siam zawh fel a ni. Community Sanitary Complex (Vantlang inthiarna) hmun sawmah sak tawh a ni. Grey Water Management (Soak Pit) hmun 121 ah sak zawh fel a ni a. Solid Waste Management (Compost Pit Type I & II) hmun 25 ah siam zawh a ni tawh bawk.
16. PUBLIC WORKS DEPARTMENT chuan PMGSY kaltlangin District chhung inkalpawhna kawng Mamit – Phaizau kawng 2.00 kms a thui December 2021 khan thawh zawh a ni. Kawnmawi – Chhippui kawng 2.11 kms 77% zawh tawh a ni a. Phuldungsei – Parvatui kawng 21.13 kms 54% zawh tawh a ni. Tuipuibari– Andermanik kawng 2.760 kms atangin 85% zawh tawh. Andermanik– N. Belkhai kawng 5.680 kms atangin 35% zawh tawh a ni bawk. EI & ISC scheme hnuaia Tuipuibari – W. Kawnpui kawng thawmthatna Phase-I (0.00 – 9.00 kmp ) 9.00 kms atangin 17.70% zawh tawh a ni.
17. ENVIRONMENT, FOREST AND CLIMATE CHANGE chuan ram rohlu ramngaw leh nungchate kangmei laka an him theih nan theihtawp a chhuah a. Kumin kangmei chhuak nasa tak karah kum 2021 District Level Fire Prevention Award lawmman Pakhatna kan la a ni. Tin, boruak tha siam a, tuihna titam leh tur bakah kan ram timawi leh turin thing phun beihpui thlak a ni a. Green Mizoram day, 2021 pualin thing tỉak 250 phun a ni a, thing tỉak 12492 phun tura pek chhuah a ni. Kum 2020-a khuai seh vanga nunna chan mi pakhat hnenah zangnadawmna Rs.2,00,000/- pek a ni.
18. POLICE :
Kum 2021-2022 chhungin Mamit District Police-ah case 143 register a ni a, heng zinga case 94 hi chargesheet an ni a, case 28 chu convict an ni. Dan leh hrai kenkawhna lam hrim hrimah a ral muangin, a hlawhtling hle a ni. Inter-State boundary Assam nena buaina June, 2021-a thleng avanga buaina leh inralrin nan Chuhvel khua leh a chhehvel ram te uluk taka ven chhunzawm a ni a. Inter State Border te chu remna leh muanna a awm zel theih nan uluk taka ven zui zel an ni.
19. District Child Protection Unit (DCPU) hi kum 2012 atanga din tan a ni a, tunah hian Venghlun, Mamitah an awm a, staff 17 an awm mek a. District Child Protection Unit hnuaiah hian naupang Home (Child Care Institution) pathum a awm a, chungte chu mipa naupang tan Joshua’s Home, hmeichhe naupang tan Buannel leh naupang dan bawhchhiate tan Observation Home te an ni. Kumin chhungin naupang rethei leh tanpui ngai zual bik sawmthum leh pariat (38) (hmeichhia 14 & mipa 24) te hnenah sponsorship educational, medical leh nutritional support atan thlatin Rs 2,000/- (cheng sang hnih) an Bank Account kaltlanga pek mek an ni. JJB hi naupang dan bawhchhiate chungchanga Juvenile Justice Act, 2015 zulzuia ngaihtuahtu an ni a, Principal Magistrate pakhat leh naupang dan bawhchhiate enkawlna chungchanga thiamna leh tawnhriat nei mi pahnih Board member an ni a, thla khatah vawi hnih an thu thin a ni. Child Protection Nodal Teacher hi mi 284 (zahnih sawmriat leh pali) appoint niin, Mamit District chu bial hrang paliah thenin Mamit, Zawlnuam, Reiek leh West Phaileng bialah then an ni. Charkawn leh Bazar Veng, Mamitah Kawngkam Library (nghaktu awm lo library) October 29, 2020 khan din a ni a, heng library-ah hian naupang venhimna dan leh naupang kaihhnawih lehkhabu chi hrang hrang dah niin vantlang tan a thlawna hawh theiha siam a ni.
20. DPO : District Office (ICDS) Mamit hi District Programme Officer hnuaiah kum 2017 khan Mamitah hawn a ni a, tunah hian Establishment staff 5 awmin Scheme 2 (PMMVY leh Poshan Abhiyaan) hnuaiah staff 4 an awm mek a ni. Mamit District hnuaiah Project 3, Reiek ICDS Project, W. Phaileng ICDS Project leh Zawlnuam ICDS Project te an ni. Reiek ICDS Project hnuaiah hian Anganwadi Centre 80 awmin, W.Phaileng ICDS Project hnuaiah Centre 106 leh Zawlnuam ICDS Project hnuaiah Centre 96 a awm mek bawk. Heng ICDS Project Office 3 te hi Child Development Project Officer (CDPO) leh Clerical Staff te'n an thutchilh mek a ni. Tun dinhmunah Anganwadi Centre a naupang inziak lut zat hi 12,893 an ni. Poshan Abhiyaan Scheme hnuaiah ICDS Digitisation kalpui niin Anganwadi Worker te'n naupang an kaihhruaina kawngah hma an sawn theih nan leh samkhai nan Smartphone 282 semchhuah a ni bawk. January 2021 atanga December 2021 chhungin PMMVY Scheme hnuaiah hian beneficiary 914 awmin Reiek ICDS Project ah beneficiary 231, Zawlnuam ICDS Project ah beneficiary 403 leh W.Phaileng ICDS Project hnuaiah beneficiary 280 an awm mek bawk. Beneficiary zawng zawngte hnenah hian avaiin Rs.36,71,000/- (Nuai Sawmthum paruk singsarih sangkhat) semchhuah niin, Reiek ICDS Project ah Rs.747000/-, Zawlnuam ICDS Project ah Rs.1722000/- leh W.Phaileng ICDS Project ah Rs. 12,02,000/- semchhuah tawh a ni a, heng Raipuar (Fa tir) tanpuina hi DBT (Direct Benefit Transfer) hmanga semchhuah a ni.
21. LOCAL ADMINISTRATION DEPARTMENT te chuan Kum 2021 atanga 2022 chhung hian Mamit District huam chhunga V/C 90 hnenah 15th Finance Commission Grant atangin Rs. 2,97,78,000/- ( Cheng Vaibelchhe hnih Nuai Sawmkua Pasarih Sing Sarih Sangriat) chu khawtlang development hna hrang hrang thawh nan sem chhuah a ni.
22. FIRE AND EMERGENCY SERVICES : Mamit Fire Station chu kum 2021-2022 chhungin In Kangah vawikhat tlanchhuah a ni. Ni 25.11. 2021 zan khan Mamit Fire Station chuan mipui hnenah halpuah leh halmawi hal lo tura ngenna leh kangmei laka fimkhur tura ngenna street campaign a nei.
23. 4th IR LUANGPAWL Office Building Battalion Headquarters Battalion cheng Vaibelchhe khat senna tur Luangpawl a sak chu chhunzawm mek zel a ni. Bihar State General Assembly Election ah force platoon khat duty tir an ni. Assam State General Assembly Election, 2021 ah Company khat duty tir an ni. Mizoram leh Assam ramria buaina chhuakah a tul ang zelin duty a ni a. Tunah hian ramri hmun hrang hrang heng Chuhvel, Medili leh Thinghlunah te mamawh phuhru tur khawp force duty tir mek a ni.
24. EXCISE AND NARCOTICS DEPARTMENT chuan ruihhlo do kawngah hmalakna chak takin an kalpui zela, Mizoram Sorkarin a Lockdown a puang chung leh Mamit District chhunga Covid-19 case a san chhoh zel karah kum 2021 chhung khan District chhungah Zu leh Ruihlo tawlhruk leh hman sualna a pung niin a hriat a. Heng dan loa chet lakna te thunun a, do let turin Hri leng karah ngawrh taka duty thin a ni. Kum 2008-a station hawn a nih hnuah kum 2021 kha man ngah ber tum a ni. Kum 2021 chhungin The Narcotic Drugs & Psychotropic Substances Act 1985 leh The Mizoram Liquor Prohibition Act 2019 hnuaiah thubuai 314 ( Total Cases Registered ) ziahluh niin, mihring 314 man an ni. Hemi hun chhung hian heng tarlante hi man a ni:
1546 ltrs of Country Liquor ( Rakzu ), 1854 Tins of Fermented Rice, Utensils ( Bungbel ) 222 nos, Yeast ( Dawidim) 11 kgs, IMFL ( 750 ml ) 44 bots, IMFL (375 ml) 6 bots, Wine (650 ml) 83 bots, FML (Soju 360 ml) 41, Herion 424.58 gms, Ganja 4.1 kgms, Codeine 807 phials , Lorazepam/Diazepam 3075 tablets, Vehicle ( LMV) 8 nos, Vehicle (2 wheelers) 10 nos.
Heng case ziahluh zingah hian case 104 (mihring 119 awmna) chu a hmuna pawisa chawitira (Compounding case) tihfel nghal a ni a. Heng pawisa chawitir tlingkhawm zat hi Rs 1,11,300/- a ni.
25. GOVT. MAMIT COLLEGE : Kum 2021-2022 academic session chu ni 26 July 2021 khan online mode-in tan a ni a, zirlai inziaklut 167 an awm. Mizoram University in Semester exam online mode-a a buatsaihah Govt. Mamit College atanga pass percentage chu 95% a ni.
26. DIET : Kum 2020-21 chhungin D El.Ed pass chhuak mi 25 an awm a. Construction of Boys Hostel – Zirlai 60 lenna tur boys hostel chu sak mek a ni a, building sak hna 60% hi zawh tawh a ni.
27. DISTRICT JAIL : District Jail, Mamit chu ni 23.9.2016 khan hawn a ni a, tunah hian jail-ah mi 37 an awm mek a ni. Jail chhungah hian administrative building, custodial buildings leh medical inspection building te awm in, staff quarter 13, security guard-te tan barrack 3 a awm a, tranformer pakhat leh tuizem tanky 3 a awm bawk. Jail-a thawtu sanction post 35 atangin 25 hnawhkhah a ni. Jail tangte siamthatna leh nun kawngdik an zawh theih nan, Mamit khawchhunga kohhran hruaitute leh NGO hrang hrangte nen tangkawpin thlarau lama intuaitharna leh intihhlimna hrang hrangte neih pui thin an ni.
28. DISTRICT PANCHAYAT RESOURCE CENTRE : DPRC Mamit chuan Mamit District chhung NGO’s khawtlang hruaitute tan training a buatsaih thin a ni.
29. ECONOMICS & STATISTICS DEPARTMENT : Kum 2021 chhungin DRO Office atangin Birth Certificate 676 leh Deaths Certificate 24 dilchhuah a ni a. Heng atanga revenue tlingkhawm Rs. 5,19,800/- (Nuai Nga Singkhat Sangkua leh Zariat) hi sawrkar Treasury-ah chhun luh a ni. Meteorological Data heng: temperature, humidity, wind speed leh rainfall te hi meteorological site DRO office atanga lak niin, report hi thla tin Directorate, Economics & Statistics Department ah thawn thin a ni.
30. LAND REVENUE AND SETTLEMENT DEPARTMENT
April, 2021 atanga November, 2021 thlenga achievement report:
LSC (Land Settlement Certificate) issue zat : 86 nos.
LSC (Transfer of ownership) process zat : 83 nos.
House Pass issue zat : 33 nos.
Periodic patta issue zat : 17 nos.
Land Dispute Case chinfel zat : 43 nos.
Renewal of Periodic Patta : 117 nos.
LSC Mortgage : 69 nos.
Stamp and Registration fee : Rs.7,16,170/-
Non Tax Collected (P.patta renewal/
mutation of P.Patta or LSC/ fee,etc : Rs 123,078/-
Amount of tax Collected(from LSC,
House Pass, P.Patta, Shop or Stall etc : Rs 1,70,958/-
31. TRANSPORT DEPARTMENT : Kum 2021-2022 chhungin District Transport Office, Mamitah lirthei chi hrang hrang 429 register a ni a, Driving Licence 547 pek chhuah a ni. Chhiah chi hrang hrang atangin Rs.7,024,384/- (Nuai Sawmsarih Singhnih Sangli Zathum Sawmriat leh Pali) thawhchhuah a ni.
32. TAXATION DEPARTMENT
Taxation Department, Mamit Zone hnathawh ber chu sorkar in dan hrang hrang a siam hmanga sorkar tana chhiah lakkhawm a ni.
Heng chhiah lakkhawmna atan hian dan (Act) chi hrang hrang hman a ni a. Chung dante chu - The Mizoram Goods and Services Tax Act, 2017; The Mizoram Profession, Trades, Callings & Employment Taxation Act, 1995 leh The Mizoram Sales of Petroleum and Petroleum Products (Including Motor Spirit and Lubricants) Taxation Act, 1973 te an ni a. Heng dan hnuaia chhiahte hi danin a sawi anga pe theite hnen atangin lakkhawm a ni. Kum 2021-2022 Financial Year (30th November, 2021 thleng) chhunga Taxation Department, Mamit Zone in chhiah (tax) a hmuh zat chu :
1. State Goods & Services Tax Rs. 28,532,218/-
2. Profession Tax Rs. 3,622,495/-
Total Rs. 3,21,54,713/-
Rupees (Thirty two million one hundred fifty four thousand Seven Hundred thirteen) only.
Heng bakah hian the Mizoram Societies Registration Act, 2005 leh The Indian Partnership Act, 1932 hnuaiah a tul ang zel a hma lak a ni.
Tin, tunah hian Taxation Department Mamit zonal Office building thar hi Mamit Dinthar Vengah sak mek a ni.
33. KHADI AND VILLAGE INDUSTRIES, MAMIT hnuaiah PMEGP (Prime Minister Employment Generation Programme) scheme-ah Application 15 dawn niin Bank lama application forward hi 5 a ni.
34. DISTRICT INDUSTRIES CENTRE hnuaiah Kum 2021-2022 chhungin Covid-19 avanga phai atanga thalai hnathawk lo hawte tan EDP training ni 3 awh mi 50 chuang tan buatsaih a ni a. Hei bakah hian thilsiam hmanga eizawngtu (Entrepreneurs) mi 89 Udhyam hnuaiah an inziak lut a, hemi hun chhung hian India Sorkar ruahmanna pakhat PMEGP chanchin zir chianna hun ni 2 awh buatsaih a ni a, thalai hna nei lo mi 50 chuang leh Sorkar mi leh khawthlang hruaitu mi 25 te'n an chhim a ni. PMEGP Bank loan la mi 73 hnenah Sorkar tanpuina cheng nuai 53 sem ral a ni bawk.
35. MIZORAM COOPERATIVE APEX BANK hnuaiah Central Scheme hrang hrangah Loan pek chhuah niin PMEGP Loan hi mi 4 hnenah pek a ni tawh a. PMAY (Housing for All) mi 1 hnenah pek a ni bawk. Agriculture lama eizawngtute tan KCC Loan mi 10 hnenah pek a ni bawk. Hei bakah hian Housing Loan, Personal Loan, Business Loan leh Biak In sak nan te mi 63 hnenah Rs. 471 lakh pek chhuah a ni.
PM Scheme hnuaia Insurance hi mi 45 hnenah kumin Financial Year chhung hian tih a ni a. Mipuite tana a awlsam zawk nan Mamit Field vengah ATM booth pakhat dah a ni.
36. INFORMATION AND PUBLIC RELATIONS DEPARTMENT te'n
April, 2021 atanga December 2021 thlengin Press release - 510, VIP Cover - 25, Govt. Function Cover - 121 leh Advertisement - 14 an nei a ni.
37. NATIONAL YOUTH KENDRA kaltlangin Training of youth on clean village green village hnuaiah
Reiek khawchhunga thalai 80 rualte an training a. Neighbourhood Youth Parliament (NYP) khaw 4 -ah neih niin Thalai 30-80 inkarin Dampui, Reiek, Mamit town leh Kawrthah-ah te an chhim bawk.
Catch the rain campaign Mamit district chhungah neih niin Deputy Commissioner, PHED leh thalai pawl (Young Mizo Association) te nena tangkawpa neih a ni. Fit India Freedom Run,
India-in zalenna a hmuh champhaphak vawi 75-na denchhenin Mamit District khaw hrang hrangah neih anih bakah Clean India 2021, Mamit District-a khaw 70 ah hman a ni a, Khaw Fai ber Intihsiakna neih niin YMA te'n anmahni khua theuh tifaiin inelna an nei a. Deputy Commissioner, Mamit kaihhruaina hnuaiah District Level Committee on Clean India din a ni bawk.
38. MIZORAM RURAL BANK hnuaiah heng a hnuaia Govt. of India security scheme hrang hrangte hi kalpui a ni:
1. PMIDY Savings Account (Zero Balance Savings Account)
2. PMUJBY Life Insurance Policy
3. PMSBY Accidental Insurance Policy
4. APY-Atal Pension Yojona
Kum 2021-2022 chhungin PMIDY account 34699 neiin, PMIJBY hi 24789, PMSBY 7381 leh APY hi 460 neih a ni.
Loan hrang hrang, a bikin kuthnathawkte tan leh ranvulh lama eizawngte tan a bika duan Agriculture loan te pek thin a ni a. Self Help Group (SHG) te, PMEGP loan leh insak tanpuina tur Pradhan Mantri Awas Yojana (PMAY) loan te pek a ni bawk. Tin Central scheme hrang hrang heng:- KCC, DAY-NULM leh Mudra loan te pek a ni a, PM SVANIDHI loan pawh Street Vendor te hnenah engemawzat pek a ni bawk a ni.
39. DISTRICT RURAL DEVELOPMENT AGENCY hnuaiah November 2021 thlengin chhungkaw 21988 hnenah Ni 80 inhlawhna pek a ni tawh a. MGNREGS bikah hian Rs, 4428.45 lakh sum hman ral a ni. Rs.4164.01 lakh hi mipui inhlawhna atana hman a ni a. Material Component atan Rs.192.45 lakh hman a ni bawk. Soak pit, Compost pit, ruahtui khawlna dawnthleng, Agri Culture link road leh khawchhung kawng pawimawhte VEC leh BDO kaltlangin hmun tam takah siam a ni. PMAY(G)-ah Kum 2021- 2022 chhungin Rs. 117.00 lakh dawn a ni a. He sum atang hian Chenna In 90 sak peihfel tawh niin, In 49 sak mek a ni bawk.
40. BHARAT SANCHAR NIGAM LIMITED (BSNL) hmalaknain Mamit Treasury Office-ah 4 mbps air fibre system pawhluh a ni a, Mamit exchange leh Mizoveng tower Bandwidth media 100 mbps a upgrade a ni bawk. Kawthah media chu 8 mbps atangin 25 mbps radio modem a upgrade a ni a, West Phaileng media chu 4 mbps atangin 25 mbps radio modem a upgrade ni bawkin, Zawlnuam media pawh 25 mbps radio modem-ah upgrade a ni bawk a ni.
Republic Day, 2022 lawmna hun hi hrileng avangin mipui nawlpui tan chhim theih a ni loh avangin Cable TV leh YouTube-ah Live hmanga pekchhuah a ni. Hnam puanzar chibai bukna Gourd of Honour 4th IR te chuan pe-in Commander hi SI. Lalnunmawia a ni.
Khuallian hian khawpui inelna kalpui mekah vengfai, School fai, Office fai leh Restaurant fai lawmman pakhatna atanga pathumna thleng a hlan nghal a. Republic Day lawmna pual hian Mamit khawpui chhunga Home hrang hrang bakah District Hospital leh Mamit District Jail-te tlawhkualin thilpek a hlan bawk a ni.
Attachment
- Loading attachment...
