3371/2022-2023

Aizawl 26th January 2023: India ram tana ni pawimawh tak Republic Day vawi 74-na chu tukin zing dar 8 khan Gauhati High Court, Aizawl Bench ah lawm a ni a. Hon’ble Mr. Justice Michael Zothankhuma, Judge, Gauhati High Court in hnam puanzar pawt parhin 225 Battalion CRPF ten hnam puanzar chibai an buk a ni.

He ni pawimawh tak hi Hon’ble Mrs. Justice Marli Vankung, Judge, Gauhati High Court in a hmanpui a. Pu Joel Joseph Denga, Registrar, Gauhati High Court, Aizawl Bench bakah Aizawl Bench a Registry Officers leh Officials te, Pu Vanlalenmawia, District & Sessions Judge bakah District Court-a Judges te, Deputy Secretary Law and Judicial Department bakah Mizoram Bar Association hruaitute, Sawrkar Advocates te, Mizoram State Legal Services Authority hotute leh veng mi engemawzatin an telpui thei bawk a ni.

He hun hmanpui tura a bik taka sawm Govt. Primary School Ainawn Veng te, Special Blind School te, Gan Sabra Home te, Old Age Home aiawhte leh Gauhati High Court, Aizawl Bench-a thawktu lo pension tawh te’n an telpui bawk.