Employees Welfare Association, Gauhati High Court, Aizawl Bench chuan Gauhati High Court, Aizawl Bench office hmun nghet tur, Governor chenna hmun tura ruahman New Capital Complex a mi chu sawrkarin a pek avangin sawrkar chungah lawmthu a sawi.
Gauhati High Court, Aizawl Bench hi July ni 5 (Ningani) 1990 khan Hon’ble Mr. Justice Sabyasachi Mukherji, Chief Justice of India-in a rawn hawng a, hawnna inkhawmah hian khatih laia Governor Swaraj Kaushal te, Chief Minister Pu Lal Thanhawla leh Law Minister Dr. H.Thansanga te leh mi pawimawh tak takte an tel a ni.
Hawnni atanga awmna ngai ren Govt. Luangmual Complex PWD ramah tun thleng hian Gauhati High Court, Aizawl Bench hi a la awm char char a. Gauhati High Court, Aizawl Bench hian kum 1999 atang daih tawh khan office hmun tur a lo dil tawh thin a, Berampu Mual, Luangmual amite ruahman niin Court awmna atana a hlat avang leh mipui dawrtute tana harsatna a awm avangin Assam Rifle ram, Khatla an chhuahsan tur hmun a lo dil daih tawh a ni. Sawrkar hmasa pawh khan High Court hmun tur hi New Capital Complex-ah hian a lo ruahman a, mahse, a thlan deuh avangin hmun ualau tha zawk sawrkarin pe turin thlen leh a ni. Eng eng emaw rokhawlhna avangin kum 20 dawn hmun nei lovin Gauhati High Court, Aizawl Bench hi a lo awm tawh a ni.
Sawrkarin Gauhati High Court, Aizawl Bench hmun nuam tak leh ualau tha tak mai a pe hi Employees Welfare Association, Gauhati High Court chuan sawrkar chungah lawmthu a sawi mawlh mawlh a. Governor chenna atana lo ruahman a nih avangin a building te sawi danglama chei that a la ngai dawn a. A building siamthat hna hi chak zawka sawrkarin hmala turin an ngen a. A building siamthat ngai leh chei that ngai zawng zawngte chak zawka hmala turin Employees Welfare Association, Gauhati High Court, Aizawl Bench chuan sawrkar a ngen a ni. State-a Law Institution sang ber High Court ngaipawimawhtu sawrkar nei zel turin a duh a. Tunah hian a hranpa a Mizoram pual liau liau a High Court neih dan tur sawrkarin hma a la mek niin Employees Welfare Association chuan a hria a. Sawrkarin hma a lakna ah lawmthu a sawi a ni.
Hawnni atanga awmna ngai ren Govt. Luangmual Complex PWD ramah tun thleng hian Gauhati High Court, Aizawl Bench hi a la awm char char a. Gauhati High Court, Aizawl Bench hian kum 1999 atang daih tawh khan office hmun tur a lo dil tawh thin a, Berampu Mual, Luangmual amite ruahman niin Court awmna atana a hlat avang leh mipui dawrtute tana harsatna a awm avangin Assam Rifle ram, Khatla an chhuahsan tur hmun a lo dil daih tawh a ni. Sawrkar hmasa pawh khan High Court hmun tur hi New Capital Complex-ah hian a lo ruahman a, mahse, a thlan deuh avangin hmun ualau tha zawk sawrkarin pe turin thlen leh a ni. Eng eng emaw rokhawlhna avangin kum 20 dawn hmun nei lovin Gauhati High Court, Aizawl Bench hi a lo awm tawh a ni.
Sawrkarin Gauhati High Court, Aizawl Bench hmun nuam tak leh ualau tha tak mai a pe hi Employees Welfare Association, Gauhati High Court chuan sawrkar chungah lawmthu a sawi mawlh mawlh a. Governor chenna atana lo ruahman a nih avangin a building te sawi danglama chei that a la ngai dawn a. A building siamthat hna hi chak zawka sawrkarin hmala turin an ngen a. A building siamthat ngai leh chei that ngai zawng zawngte chak zawka hmala turin Employees Welfare Association, Gauhati High Court, Aizawl Bench chuan sawrkar a ngen a ni. State-a Law Institution sang ber High Court ngaipawimawhtu sawrkar nei zel turin a duh a. Tunah hian a hranpa a Mizoram pual liau liau a High Court neih dan tur sawrkarin hma a la mek niin Employees Welfare Association chuan a hria a. Sawrkarin hma a lakna ah lawmthu a sawi a ni.
