Nimin khan Gauhati High Court Judge Justice Michael Zothankhuma hovin 72^nd Independence Day Gauhati High Court, Aizawl Bench, Govt. Luangmual Complex-ah hman a ni a. 225 Bn. CRPF ten zahna chibai Guard of Honour an hlan a ni.

Justice Michael Zothankhuma chuan thu sawiin Mizorama dan hmanga rorelna (Judiciary) chuan nasa takin hmalam a pan zel a ni, a ti a. Nikum leh tunkum India Independence Day inkarah case 496 lutin case 495 tihfel tawh a ni tiin High Court building sak mek pawh chak taka hna thawh a ni a, 39% sak zawh tawh a ni, a ti a. Mizoram chhunga district hrang hrang Champhai, Serchhip, Mamit leh Siaha-ah quarters sakna tur cheng vaibelchhe 22.22 neih a ni tawh a, Siaha-a Court Building sak hna pawh tan a ni thuai ang, a ti a. Aizawl District Court room 22 awm theihna tur pawh hna chak taka kalpui niin High Court Judges’ Library ah lehkhabu 14248 a awm bawk a ni,a ti a.

Bar Association President Pu C. Lalramzauva chuan thu sawiin Pi Helen Dawngliani, Gauhati High Court Aizawl Bench Registrar chuan lawmthu sawina in hun a khar a. He hunah hian Gauhati High Court Aizawl Bench officer leh hnathawkte, Bar Association leh Govt. Complex atangin an tel a ni.