2894/2022-2023
Aizawl, dated the 1st December 2022: Zan hnih riaka Mizoram rawn tlawh tur Gauhati High Court Chief Justice, Pu R.M. Chhaya chu vawiin khan Aizawl a rawn thleng a. Mizoram sawrkar leh High Court hotu ten Lengpui Airport ah an lo hmuak a ni.

Mizorama a cham chhungin Pu R.M. Chhaya hian Chief Minister Pu Zoramthanga chu vawiin tlai hian a chenna inah a kawm dawn a. Gauhati High Court Aizawl Bench ah thubuai ngaihtuahin tum hnih a thu bawk ang. December ni thum chawhnu lama Guwahati a pan hmain Law & Judicial changtu Minister Pu TJ Lalnuntluanga nen inkawmna an nei dawn bawk a ni.