2895/2022-2023
Lunglei Battalion Headquarter 23 Sector Assam Rifles chuan ni 30 November,2022 khan Inspector General Assam Rifles (East) Headquarter kaihhruaina hnuaiah “National Integration Tour to Hornbill Festival, Nagaland’’ Lunglei ah an buatsaih.

He tour in a tum ber chu India rama culture hrang hrangte hi tualchhung zirlai naupang ten hmu in hre ve se tih a ni a. Silchar, Guwahati leh Shillong te an tlawh tel ang. National Integration Tour chhung hian naupangte leh Armed force mi leh sa te inkawmna hun remchang siam a ni a, Armed force te inkaihhruai dan tlangpui in hrilhhriatna hun atan hman a ni. Hei hian naupangte thinlungah hna thawkin an lo thanlen hunah armed force lam hna an thlan theih nan ti phurtu a nih beisei a ni. Sacred Hearts School, Lunglei atangin naupang 13 (hmeichhia 6 leh mipa 7) an tel thei a. Lunglei khawtlang te chuan Mizoram chhimlam tan a he hun tha tak an buatsaih avangin Assam Rifles te hnenah lawmthu an sawi.