3986/2022-2023 

Champhai, the 25th March, 2023: Gauhati High Court Judge Justice Marli Vankung, Champhai Judicial District Portfolio Judge ni bawk chuan vawiin khan Champhai Judicial District hnuaia awm Champhai leh Khawzawl District-te a tlawh a; Law & Judicial ram, hmunhma leh hmalaknate a enfiah a ni.

Justice Marli Vankung hian nizan khan Champhai a thleng a, District Court hmalaknate enfiahin Official-te a kawm a. Tukin khan Champhai Zote leh Vengsanga Judicial hmunhma tura ruahmanna awmte bakah Law & Judicial Department ram Dinthar veng amite a tlawh a; District Court Complex siam a nih theih dan turte a enfiah a ni.

Justice Marli Vankung hi Pi Helen Dawngliani, Secretary, Law and Judicial Department, Pu  Vincent Lalrokima, Joint Registrar (Judicial), Pu V.Vanlalhriata, CJM Champhai, Pu C.Lalengliana Addl. SP, Pu Lalneihthanga Colney, SO leh District Official dangten an tawiawm a ni.

Vawiin vek khan Justice Marli Vankung chuan Champhai Judicial District huam chhunga awm Khawzawl District a tlawh a. Hermon veng, Dinthar veng leh Banglamual-a Judicial hmun tura ram ruahmante tlawhin a enfiah nghal bawk a. Justice Marli Vankung hi District Bawrhsap Pu C.C. Lalchhuangkima, Addl. SP Pu Lalringliana Pachuau, Settlement Officer Pu Ngurthansanga leh Official dangten an tawiawm a ni.