3985/2022-2023 
Aizawl, The 25th March 2023: Vawiin khan Chief Secretary Dr. Renu Sharma ho in CS Conference Hall-ah April ni 1, 2023 a Union Home Minister Pu Amit Shah lo kal tur chungchanga thu rel ngai pawimawhte sawiho a ni.

Union Home Minister hian Zokhawsang a Assam Rifles hmun a hawn tur bakah Laldenga Cultural Centre lungphum phum tura ruahman a ni a. Heng bakah hian sawrkar hmalakna thenkhat hawn leh lungphum phum tur dang ruahman a ni bawk.

Vawiin meeting- ah hian programme neihna tur hmunhma siam dan tur te, minute to minute programme leh thu pawimawh dangte sawiho a ni.

He meetingah hian Pu H Lalengmawia , Commissioner and Secretary Home Department leh sawrkar department hotu pawimawh dangte an tel a ni.