3984/2022-2023 

Lunglei the 25^th March, 2023 – Sawrkar Laipui Ministry of Social Justice and Empowerment hnuaia National Institute for the Empowerment of Persons with Intellectual Disabilities (NIEPID) te chuan pianphunga rualbanlote enkawl leh zirtir dan chungchanga ni hnih chhung awh (23-24 March, 2023) training Lungleiah an buatsaih a ni.

Training-ah hian Dr Hemant Keshwal Assistant Professor Special Education NIEPID Regional Centre Noida leh Manoj Kumar SP, Assistant Professor, Clinical Psychology CRC Nellore te chu Resource person niin Anganwadi thawktute, healthcare worker, special education teachers, social work zirlaite leh pianphunga rualbanlo nu leh pa ten training hi an nei a. Pianphunga rualbanlote tan bika siam Training & Learning Material (TLM) mi 10 hnenah an sem chhuak bawk a ni.

Training kharna inkhawm hi nimin tlai khan Baptist Masihi Mission Centre-ah neih niin Lunglei DC Pi Ramdinliani’n a hmanpui a. Pi Ramdinliani chuan pianphunga rualbanlote enkawlna kawnga hma kan sawn theihna tura stakeholders te tana training tha tak buatsaihtu te chungah lawmthu sawiin training neih zawh tak chuan rah tha tak a chhuah ngei a beisei thu a sawi a. Lunglei District-ah Training & Learning Material (TLM) mamawhtu mi engemawzat anla awm thu pawh sawiin TLM mamawh zawng zawngten an neih ngei theihnan Sawrkar Laipui Ministry of Social Justice and Empowerment aiawha lo kal te chu lo ngaihven pui turin a ngen a. Stakeholders kalkhawmte chu an mawhphurna a pawimawh takzet thu sawiin dawhthei tak leh hmangaihna nen hna thawk tur leh an training a an zirchhuah te hmang tangkai ngei tura chahin duhsakna a hlan a ni.