No.3378/2021-2022
Aizawl, 13th December, 2021 : General Administration Department, Govt. of Mizoram chuan December ni 9-10, 2021 chhunga Secretariat Compound-a Winter Festival neih a nih chungchangah a hnuaia tarlan ang hian thuchhuah an siam :

Tourism Department atanga ngenna dawn angin Mizoram Secretariat Compound ah Winter Festival hman phalna December ni 9 -10, 2021 chhung atan pek an ni a. Hetah hian Winter Festival puala Photo Booth siam, Christmas decor items making competition leh cake baking competition buatsaih a nih tur thu tarlan a ni.

Tourism Department hian Christmas a hnaih tawh avangin December ni 9, 2021 a photo booth an siamah hian Christmas lam hawi rawn hmangin Christmas decor items making competition an buatsaih turte nen inhmeh turin an rawn buatsaih a ni. Hei hi mi tam takin thu chiang hre si lovin Mizoram Secretariat Building-a Christmas decoration emaw tiin thu belhchian dawl lo social media lamah an thehdarh ta vak mai a ni. Tuna social media lama darh ta vak hi December ni 9 - 10, 2021 Winter Festival hman chhung atan chauh a buatsaih a ni a. GAD, SAW atang pawh in December ni 9 - 10, 2021 chhung chauh atan phalna hi pek a ni.

GAD, SAW (E) atang hian Christmas pualin kum tin chei thin a nih angin Winter Festival hman hma hian Christmas tree chu lo dah hman a ni a. SAW (E) atanga Chistmas banner ‘Krismas Chibai’ tih tar tura ruahmanna awmsa erawh tar hman a la ni lo a ni.

Christmas lam hawia hmalakna lo awm tawh avang leh Christmas a hnaih tawh avanga Christmas lam hawi photo booth siam leh winter festival puala , Christmas decor items making competition buatsaih te nen inmil tura winter festival puala hmalakna a awm avangin mi thenkhat thil hre chiang lo ten social media lamah an thehdarh ta vak a ni ber mai a ni.

A hnuai ah hian Winter Festival puala hmalakna leh GAD, SAW (E) in kumtina hmalakna a neih thin anga hmalakna neih photo copy dah a ni.