Vawiin chawhma khan Conference Hall, District Commissioner, Aizawl ah General Election to Lok Sabha 2019 leh Aizawl West-1 MLA bye election atan a Aizawl district huam chhunga Sector Officer leh Additional Sector Officer te leh General Observer ten thutkhawmna hun an hmang a, Pu Vanlalngaihsaka, District Election Officer leh District Commissioner ni bawk chuan he hun hi a kaihruai a ni.

Dr Mamatha BR, IAS, General Observer chuan,” Inthlanna felfai tak nei tur chuan Sector Officer te hi an pawimawh hle a, mahni mawhphurna leh tih turah kan chiang hle tur a ni,” a ti a,” Inthlan lai a ruahtui tla mai theia a lan avangin EVM leh VVPAT te himna tur a in buatsaih lawk a tha ang,” a ti bawk. Dr Mamatha chuan ,”Inthlanna felfai tak a awm theih nan a kan mawhphurna theuh kan hlenchhuahna kawngah mipuite tan harsatna kan siam tur a ni lo,” a ti a, hawihhawm taka mipuite dawr turin a chah a ni. He hunah hian Aizawl district General Observer Pi Honmilee Teronpi, IAS leh Pi Rekha Rani, IAS te pawh in Inthlanna felfai tak a awm theih nan a inbuatsaihna hrang hrang anlo endik tawhah an lungawi thu an sawi a, NGO te hma lakna fakawm an tih thu an sawi bawk.
Vawiin thutkhawnnaah hian District Election Officer, Aizawl district, Assistant Returning Officer, Election Officer leh Aizawl district huam chhunga Sector Officer leh Additional Sector Officer te an tel a ni.