2573/2023-2024
Aizawl, the 31st October, 2023: General Election to the Mizoram Legislative Assembly, 2023 kalpui chhoh mekah District hrang hrangah kum 80 chin chunglam leh Vohbikte tan mahni in lama vote thlak ‘Home Voting’ kalpui a ni a. Hemi bakah hian inthlan kaihhnawiha duty tur Polling personnel, Official dangte leh inthlan ni a essential service duty turte tan postal ballot hmangin Facilitation Centre-ahte vote thlak chhoh mek zel a ni bawk a; ni 31.10.2023 chawhnu dar 4:00 thleng khan Home voting 1,100 leh Facilitation Centre voting 4,206 atangin avaiin vote tla 5,306 a awm tawh a ni.
Vote thlak dan District wise report kimchang chu hetiang hi a ni:-
Sl. No | District | Home Voting for 80+ & PwD | Postal Ballot for Polling Personnel | Total |
1. | Mamit | 0 | 430 | 430 |
2. | Kolasib | 61 | 167 | 228 |
3. | Aizawl | 463 | 779 | 1242 |
4. | Saitual | 149 | 280 | 429 |
5. | Khawzawl | 109 | 119 | 228 |
6. | Champhai | 86 | 261 | 347 |
7. | Serchhip | 168 | 295 | 463 |
8. | Hnahthial | 0 | 0 | 0 |
9. | Lunglei | 64 | 574 | 638 |
10. | Lawngtlai | 0 | 733 | 733 |
11. | Siaha | 0 | 568 | 568 |
| TOTAL | 1100 | 4206 | 5306 |
District hrang hrangah Home Voting hmanga vote thlak leh Postal Ballot hmanga Facilitation Centre-a vote thlak hun hi a inang vek lova, hemi avang hian District hrang hrang atanga data dawn dan pawh a inkhairual thei rih lo a ni.
Election puan ni October ni 9, 2023 atanga vawiin ni thlenga Model Code of Conductbawhchhiatna hrang hrang thlengte avanga EnforcementAgency-te kaltlanga thil man tawh zat hlut zawng chu Rs. 39,40,96,333/- a tling a ni.
Chief Electoral Officer leh Postal Ballot Nodal Officer-te/District Election Officer aiawhte/District hrang hranga Returning Officer-te uapna leh Political party lamte hriatpuinain November ni 2, 2023 (Ningani) chawhnu dar 1 hian Mizoram Assembly House Annexe Conference Hall, Treasury Square, Aizawlah Signed Form 12/12D leh Postal Ballot inthlengtawnna hun venhimna khauh tak hnuaiah buatsaih a ni dawn bawk.
