2574/2023-2024

Champhai the 1st November, 2023 – India Air Force hotu Air Chief Marshal VR Chaudhari PVSM AVSM VM ADC chuan tukin khan Kumbhirgram, Assam atanga helicopter-a lo kalin, Farkawn Champhai District a rawn tlawh a. Champhai District administration aiawhin Champhai DC Pu James Lalrinchhana, SP Pu Vineet Kumar leh DIPRO Pi C.Lalremruati ten an lo dawngsawng a ni.

42 Assam Rifles hmun, Farkawnah P Srikanth Group Captain, Air Force leh a thawhpuite chuan Farkawn leh a chhehvela Air Force hmalakna hrang hrang Air Chief Marshal hnenah hian report anlo pe a. An hnathawhnaah leh an hmanraw neihah te harsatna an neihloh thu leh an mawhphurhna te tha taka an hlenchhuah theih thu an report a ni.

Champhai DC Pu James Lalrinchhana leh SP Pu Vineet Kumar te chuan Air Force leh Assam Rifles te chuan Champhai District Civil Administration tha taka an thawhpui thin thu lo report in, Air Chief Marshal VR Chaudhari chuan mipuite himna tura theihtawp chhuah tlang zel turin a chah a ni.

Air Chief Marshal VR Chaudhari hi Group Captain KS Raina, SO to Chief of Air Staff; Wing Commander BD Chowdhury Accts, Hony Jt Secy AFFWA leh Security staff ten an rawn tawiawm a. Farkawna officials-te leh Air Force thawktute nen an meeting zawh hian  Assam ah let leh nghalin vawiin vek khan helicopter in Aizawl pan lehin Mizoramah zan khat an riak dawn a. Mizoram a cham chhung hian Mizoram Governor Pu Hari Babu Kambhampati leh Assam Rifles hotute a hmuh dawn bakah Reiek Tlang a tlawh dawn a ni.